Malayalam Hymn
Kashdathakal daivame
Kashdathakal daivame lyrics · Malayalam Christian Song · Video
The Hymnal0 plays
Lyrics
1 കഷ്ടതകൾ ദൈവമേ! എന്നവകാശം തന്നെയല്ലൊ
വിശ്വസിപ്പാൻ മാത്രമല്ല നൽ വരം
തങ്ക കഷ്ടതകൾ സഹിപ്പാനും പ്രാപ്തിതാ
2 ക്രൂശിന്മേൽ ഞാൻ കാണുന്നൊരു മഹൽക്കാഴ്ച എന്റെ പ്രിയൻ
കഷ്ടതകൾ സഹിച്ചയ്യോ! ചാകുന്നു
എന്നെ പൊൻകിരീടം ധരിപ്പിപ്പാനാകുന്നു;-
3 ഭക്തിക്കതിശക്തിയെന്നിൽ കഷ്ടങ്ങൾ വർദ്ധിക്കുമ്പോൾ
ഹാ! എനിക്കെന്താനന്ദമെൻ കഷ്ടതകൾ
ദൈവസന്നിധിയിൽ ശോഭയെനിക്കേറുന്നു;-
4 ഭക്തനായ യോബു പലകഷ്ടനഷ്ടം സഹിച്ചതാൽ
ഭാഗ്യവാനായ് തീർന്നവൻ തന്നായുസ്സിൽ
എല്ലാം ഇരട്ടിയായി പിന്നെ നാഥൻ നല്കിയേ;-
5 മോശെ ഫറവോൻ വീടുവിട്ടു കഷ്ടതകൾ പിന്തുടർന്നു
യിസ്രായേലിൻ രക്ഷിതാവായ് തീർന്നവൻ
ദൈവപുത്രനോടുകൂടെ നില്പാൻ യോഗ്യനായ്;-
6 മീസ്രനാട്ടിലല്പകാലം യോസെഫെന്തു ഖിന്നനായ്
ദൈവമോ തൻ പൈതലിനെ ഓർത്തല്ലോ
അവൻ ഫറോരാജൻ മന്ത്രിയായിത്തീർന്നല്ലോ;-
7 വിശ്വാസികളാർക്കും ലോകം യോഗ്യമായിത്തീർന്നിട്ടില്ല
കഷ്ടതകൾ ദൈവമവർക്കേകുന്നു
മഹാ ഭാഗ്യദേശമവർക്കായി നല്കുന്നു;-
8 സ്വർപ്പുരത്തിൽ കേൾക്കുന്നൊരു മഹാശബ്ദം പറയുന്നു
കഷ്ടമേറെ സഹിച്ചിങ്ങു വന്നിവർ
അവർ ശോഭിതരായ് ദൈവമുമ്പിൽനിൽക്കുന്നു;-
