Malayalam Hymn
Ennavide vannu cherum njaan mama
Ennavide vannu cherum njaan mama lyrics · Malayalam Christian Song · Video
The Hymnal0 plays
Lyrics
എന്നവിടെ വന്നു ചേരും ഞാൻ മമ കാന്ത, നിന്നെ
വന്നു കണ്ടു വാഞ്ഛ തീരും ഹാ!
നിന്നോടു പിരിഞ്ഞിന്നരകുല-ത്തിരിക്കയെന്നതിന്നൊരിക്കലും സുഖം
തന്നിടുന്നതില്ലാകയാൽ പരനേശുവേ, ഗതി നീയെനിക്കിനി
1 നിൻമുഖത്തു നിന്നു തൂകുന്ന മൊഴിയെന്റെ താപം
ഇന്നു നീക്കിടുന്ന നായകാ!
നിന്നതിമൃദുവായ കൈയിനാലെന്നെ നീ തടവുന്നൊരക്ഷണം
കണ്ണുനീരുകളാ-കവേയൊഴിഞ്ഞുന്നതാനന്ദം വന്നിടുന്നുമേ
2 പൊന്നുപാദ സേവയെന്നിയേ പരനേയെനിക്കു
മന്നിലില്ല സൗഖ്യമൽപ്പവും
മന്നനേ ധനധാന്യവൈഭവം മിന്നലിന്നിടകൊണ്ടശേഷവും
തീർന്നുപോയുടമസ്ഥരന്ധതയാർന്നു വാഴുക മാത്രമേ വരൂ
3 തിത്തിരികളന്യമുട്ടയെ വിരിയിച്ചിടുംപോൽ
ലുബ്ധരായോർ ഭൂ ധനങ്ങളെ
ചേർത്തുകൂട്ടിയിട്ടാധനങ്ങളിൻമേൽ പൊരുന്നിരുന്നായവ വിരി
ഞ്ഞാർത്തി നൽകിടും മാമോൻ കുട്ടികളായ് പുറപ്പെടുന്നാർത്തനാഥനേ
4 നല്ല വസ്ത്രം നല്ല ശയ്യകൾ സുഖസാധനങ്ങളില്ലിവയിലാശ ദാസനു
വല്ലഭാ! തിരുമേനി-യേതിലുമേതുമായെനിക്കുള്ളതാലൊരു
തെല്ലുമല്ലലെന്നുള്ളിലില്ലതു കില്ലൊഴിഞ്ഞുരചെയ്തിടാം വിഭോ!
5 നിന്നെയോർക്കും നേരമീശനേ! വളരും പ്രയാസം
എന്നിൽനിന്നു മാഞ്ഞുപോകുന്നേ
നിന്നടിമലർ സേവയാലെനിക്കുള്ള പീഡകളാകവേ തിരു
മുന്നിൽ വന്നിടുംപോതു നീങ്ങിയെന്നുള്ളമാനന്ദംകൊണ്ടു തുള്ളുമേ
6 കാത്തിരിക്കുന്നാത്മ നാഥനേ! ഭൂവനത്തിനുള്ള
കാത്തിരിപ്പിൻ പൂർത്തിനാളിനെ മത്സരക്കുലം ലജ്ജയാൽ
മുഖം താഴ്ത്തിടും പടിയെങ്ങൾ ദണ്ഡുകൾ
പൂക്കണേ പുതുഭംഗിയിൽ ബദാം കായ്കളെയവ കായ്ക്കണേ തദാ
