Malayalam Hymn
Vishudhiyil daivathe aaradhippin
Vishudhiyil daivathe aaradhippin lyrics · Malayalam Christian Song · Video
The Hymnal0 plays
Lyrics
വിശുദ്ധിയിൽ ദൈവത്തെ
ആരാധിപ്പിൻ വിളിക്കപ്പെട്ടവരെ
വിശുദ്ധനല്ലോ ദൈവം വെളിച്ചമല്ലോ
തന്റെ വിശ്വസ്തതക്കൊരുനാളും മാറ്റമില്ല
1 അത്ഭുത സ്നേഹത്താൽ നമ്മെ വീണ്ടെടുത്തു
സ്വർഗ്ഗസൗഭാഗ്യവും തന്നതിനാൽ
നന്ദിയാൽ നിറയാം നിരന്തരമായ്
സ്തോത്രം ചെയ്യാം നിരവധിയായ്
സ്തുതിക്കാം സ്തുതിക്കാം
ആത്മസമ്പൂർണ്ണരായ് സ്തുതിക്കാം
2 കഷ്ടതയുണ്ട് ക്ലേശമതെങ്കിലും
നിത്യസന്തോഷം നമുക്കല്ലയോ
സൗഖ്യവും ശാന്തിയും അനുഗ്രഹവും
ആർദ്രവാനാം പ്രീയൻ തരുന്നതിനാൽ
സ്തുതിക്കാം സ്തുതിക്കാം
ആത്മസമ്പൂർണ്ണരായ് സ്തുതിക്കാം
3 ജീവനും ബലവും ജീവിതവും യേശു
ക്രിസ്തുവിൽ മാത്രം അവനോടു നാം
ഏകശരീരമായ് ആത്മാവിനാൽ
ഏകീഭവിച്ചവരായ് ദിനവും
സ്തുതിക്കാം സ്തുതിക്കാം
ആത്മസമ്പൂർണ്ണരായ് സ്തുതിക്കാം
4 പിമ്പിലുള്ളതിനെ മറന്ന് മുന്നിലെ
ലാക്കിലേക്കാഞ്ഞു മുന്നേറുക നാം
താഴ്ച്ചയിൽ നമ്മെ ഓർത്ത പരൻ
വീഴ്ച്ച വരാതെ കാത്തതിനാൽ
സ്തുതിക്കാം സ്തുതിക്കാം
ആത്മസമ്പൂർണ്ണരായ് സ്തുതിക്കാം
5 എത്രയും വേഗം സഭയെ ചേർക്കുവാൻ
കർത്താവു തേജസ്സിൽ വരുന്നതിനാൽ
ആത്മവിനാൽ സ്വയം ഒരുങ്ങുക നാം
ആ നല്ല സുദിനം ആഗതമായ്
സ്തുതിക്കാം സ്തുതിക്കാം
ആത്മസമ്പൂർണ്ണരായ് സ്തുതിക്കാം
