Malayalam Hymn
Karthavil eppozhum santho
Karthavil eppozhum santho lyrics · Malayalam Christian Song
The Hymnal0 plays
Lyrics onlyWhatsApp
Lyrics
കർത്താവിൽ എപ്പോഴും സന്തോഷിക്കും ഞാൻ
ക്രിസ്തീയ ജീവിതയാത്രയതിൽ
കണ്ണീരിൻ വേളയോ കഷ്ടങ്ങളേറെയോ
വരികിലുമവനിൽ ഞാൻ സന്തോഷിക്കും
1 ആകുലചിന്തകളേറിയെന്നുള്ളം
വ്യാകുലമായ് മുറ്റും തീർന്നിടുമ്പോൾ
ഏകുന്നു തൻമൊഴി സാന്ത്വനമെനിക്ക്
ആകയാലില്ലൊരു ചഞ്ചലവും;-
2 കാലമെല്ലാം തൻ കൈകളാലെന്നെ
കാത്തിടുവാൻ വഴി നടത്തിടുവാൻ
കരുത്തനാമവനെന്നും കരുതിടുന്നവനാം
കർത്തനിൽ മാത്രമെന്നാശ്രയമാം;-
3 അറിഞ്ഞിടുന്നെന്നെയഖിലവും ദൈവം
അവൻ ഹിതംപോലെ നടത്തിടുന്നു
അന്നന്നു താൻ തരും തുമ്പമോ ഇമ്പമോ
അതുമതിയെനിക്ക് അനുഗ്രഹമാം;-
4 പരിശോധനകൾ പല ക്ലേശങ്ങൾ
പാരിച്ച ഭാരങ്ങൾ സഹിച്ചിടുമീ
പാരിലെ നാളുകൾ തീർന്നിടും വേഗം
പിരിഞ്ഞങ്ങു പോം ഞാൻ പ്രിയന്നരികിൽ;-
