Malayalam Hymn
Varika parishuddhaathmaave
Varika parishuddhaathmaave lyrics · Malayalam Christian Song · Video
The Hymnal0 plays
Lyrics
വരിക പരിശുദ്ധാത്മാവേ
തരിക തവകൃപകൾ എന്നിൽ
ചൊരിക തിരു അനുഗ്രഹങ്ങൾ
വരിക ആത്മമാരി പോലെ
ആത്മാവിൻ ശക്തിയോടാരാധിപ്പാൻ
ആത്മനിറവിനാൽ മുന്നേറിടാൻ
ആത്മബലത്തോടെ ജീവിക്കുവാൻ
അനുദിനവും കൃപ പകരണമേ
സത്യത്തിൽ എന്നും വഴി നടത്തും
നിത്യനാം ദൈവത്തിൻ ആത്മാവേ
പഥ്യമാം വചനത്തിൽ നിലനില്ക്കുവാൻ
നിത്യവും തിരുകൃപ പകരണമേ
ദൈവത്തിൻ ജീവജലനദിയിൽ
മുങ്ങുവാൻ ഞാനാകെ മാറുവാൻ
ആദ്യസ്‌നേഹം ഹൃദയത്തിൽ ജ്വലിച്ചീടുവാൻ
ആത്മദായകാ കൃപ ചൊരിയണമേ
ശത്രുവിൻ കോട്ട തകർത്തീടുവാൻ
ജയത്തിൻ കൊടി ഉയർത്തീടുവാൻ
ലോകത്തിൽ എങ്ങും സാക്ഷി ആയീടുവാൻ
സ്വർഗ്ഗീയ ശക്തിയാലെ നിറയ്ക്കണമേ
കാഹളം വാനിൽ മുഴങ്ങീടുമ്പോൾ
മേഘത്തിൽ കാന്തൻ വന്നിടുമ്പോൾ
ശുദ്ധരോടോത്തു കൂടെ വാണീടുവാൻ
പാവനാത്മ ശക്തിയാലെ നയിക്കണമേ
