Malayalam Hymn
Elohim elohim lammaa shabakthaani
Elohim elohim lammaa shabakthaani lyrics · Malayalam Christian Song · Video
The Hymnal0 plays
Lyrics
എലോഹിം എലോഹിം ലമ്മാ ശബക്താനി (2)
എന്റെ ദൈവമേ എന്റെ ദൈവമേ
നീ എന്നെ കൈവിട്ടതു എന്തപ്പാ (2)
കാൽവരി ക്രൂശിൽ എന്റെ പേർക്കായ്
ഏകനായ് പാടുകൾ പെട്ടിടുന്നു (2)
ഏകനായ് പാടുകൾ പെട്ടിടുന്നു
1 മുള്ളുകളാൽ മെടഞ്ഞ കിരീടം
മന്നവന്റെ തലയിൽ വച്ചല്ലോ (2)
വേദനയാൽ പിടഞ്ഞിടുമ്പോൾ
പരിഹസിച്ചു മുഖത്തടിച്ചല്ലോ (2)
ഭാരമുള്ള മര കുരിശും
ചുമന്നു കൊണ്ട് മലയിൽ കയറി (2)
ലോകത്തിന്റെ പാപം ചുമന്ന്
ദൈവത്തിന്റെ കുഞ്ഞാടാണല്ലോ (2)
എലോഹിം എലോഹിം...
2 തിരു ശരീരം അടിക്കപെട്ടു
ഉഴവുചാൽ പോൽ കീറപ്പെട്ടു (2)
രക്ത തുള്ളി ധാര ധാരയായ്
ഒഴുക്കിയല്ലോ എനിക്കു വേണ്ടി (2)
കൈകളിലും കാലുകളിലും
ആണികളാൽ തറക്കപെട്ടു (2)
ക്രൂശിതനായ് എന്റെ കർത്താവ്
സർവ്വ പാപ പരിഹാരത്തിനായ് (2)
എലോഹിം എലോഹിം...
3 നമുക്ക് വേണ്ടി ജീവൻ നൽകിട്ടും
വിലാപ്പുറത്ത്‌ ആഞ്ഞു കുത്തി (2)
നിത്യ ജീവൻ നൽകിടുവാനായ്
ഇത്രയേറെ നമ്മെ സ്നേഹിച്ചു (2)
എലോഹിം എലോഹിം...
