Malayalam Hymn
Odunnu njan odunnu njan
Odunnu njan odunnu njan lyrics · Malayalam Christian Song · Video
The Hymnal0 plays
Lyrics
ഓടുന്നു ഞാൻ ഓടുന്നു ഞാൻ
പരമവിളിയുടെ ലാക്കിലേക്ക്
സ്വർഗ്ഗ സീയോനതാ വിദൂരതയിൽ
വിശ്വാസ കൺകളാൽ കാണുന്നു ഞാൻ
1 കാൽവറി മലമുകളേറി തന്റെ
കാൽകരം കുരിശതിൽ തറയ്ക്കപ്പെട്ടു
ദേഹമാം തിരശ്ശീല ചിന്തിയതാൽ
ജീവനിൻ പുതുവഴി തുറന്നെനിക്കായ്;-
3 ആത്മാവിൻ അഭിഷേകം നല്കിയവൻ
വിശുദ്ധരിൽ കൂട്ടായ് മയേകിയവൻ
തലയാകും തന്നോളം വളർന്നിടുവാൻ
അനുദിനം തരുന്നു നൽ വചനങ്ങളും;-
4 കാന്തനുമായുള്ള വാസമോർത്താൽ
ഇഹത്തിലെ വാസമിതേതുമില്ലേ
വാട്ടം മാലിന്യങ്ങളേശിടാത്തൊര-
വകാശമെനിക്കായ് താനൊരുക്കിടുന്നു;-
5 വരുവതിനിനിയും നാളധികമാമോ
മൽപ്രിയനേ കൺകൾ കൊതിച്ചിടുന്നേ
കാന്തയിന്നൊരുക്കങ്ങൾ തീർന്നില്ലയോ
യുഗായുഗം പ്രിയനുമായ് വസിച്ചിടുവാൻ;-
6 ഈ മഹൽ ഭാഗ്യത്തെ ധ്യാനിക്കുമ്പോൾ
നാൾ തോറും ഭാരങ്ങളകന്നിടുന്നേ
എൻ പ്രിയൻ തേജസ്സിൽ വെളിപ്പെടുന്നാ-
നാളിതാ വേഗം ഇങ്ങടുത്തിടുന്നേ;-
