Malayalam Hymn
Daivam nallavan ennennum nallavan
Daivam nallavan ennennum nallavan lyrics · Malayalam Christian Song · Video
The Hymnal0 plays
Lyrics
ദൈവം നല്ലവൻ എന്നെന്നും നല്ലവൻ
ഞാൻ രുചിച്ചറിഞ്ഞു പാടും ദൈവം നല്ലവൻ
1 അവങ്കലേക്കു നോക്കിയോർ പ്രശോഭിതരായി
ആരും നിലനിൽക്കുകയില്ലവർക്കെതിരായി
ദൂതർ ഭക്തർ ചുറ്റും നിൽക്കും വൻമതിലായി
ദുഷ്ടർ പോകും കാറ്റുപാറ്റിടും പതിരായി;- ദൈവം...
2 വിണ്ഡലം ഭൂമണ്ഡലം നിർമ്മിക്കും മുന്നേ
ഉണ്ടെനിക്കനാദിയായി ദൈവമായ്‌ തന്നേ
തലമുറകൾക്കാശ്രയമാം നല്ലവൻ തന്നേ
മറന്നിടാതെ കാത്തിടുന്നു നിത്യവും നമ്മെ;- ദൈവം...
3 കഷ്ടതകൾ ശോധനകൾ നേരിടുമ്പോഴും
ഇഷ്ടരായോർ വിട്ടകന്ന്‌ പോയിടുമ്പോഴും
നഷ്ടമല്ലതൊന്നും നിത്യ ദൈവസ്നേഹത്താൽ
നന്മയ്ക്കെന്നു വ്യാപരിക്കും എനിക്കവയെല്ലാം;- ദൈവം...
4 എന്തുമെന്റെ ജീവിതത്തിൽ സംഭവിച്ചാലും
എന്തിനെന്നകം കലങ്ങി ചോദിക്കില്ല ഞാൻ
നൊന്തൊഴുകും കണ്ണുനീർ തൻ പൊന്നു പാദത്തിൽ
ചിന്തി ഞാൻ തുടർന്നു പാടും ദൈവം നല്ലവൻ;- ദൈവം...
