Malayalam Hymn
Yeshuvin diyva sneham ennodu
Yeshuvin diyva sneham ennodu lyrics · Malayalam Christian Song · Video
The Hymnal0 plays
Lyrics
1 യേശുവിൻ ദിവ്യസ്നേഹം എന്നോടു വർണ്ണിക്ക
തൻ ജീവനെ എൻ പേർക്കായ് വെച്ച വൃത്താന്തവും
ആയതെനിക്കെപ്പോഴും ആനന്ദം നൽകുന്നു
തൻ സ്നേഹക്കൊടിക്കീഴിൽ വസിക്കും ഞാൻ എന്നും
യേശുവിൻ ദിവ്യസ്നേഹം യേശുവിൻ ദിവ്യസ്നേഹം
യേശുവിൻ ദിവ്യസ്നേഹം എന്നോടു വർണ്ണിക്ക
2 യേശുവിൻ ദിവ്യസ്നേഹം എന്നോടു വർണ്ണിക്ക
എൻ ഹൃദയത്തെ അതു-കവർന്നിരിക്കുന്നു
ചിന്തിക്കുന്തോറും ഏറ്റം മാധുര്യമാം അതു
ഈ വിധമാം സന്തോഷം ഉർവ്വിയിൽ ഇല്ലെങ്ങും;-
3 യേശുവിൻ ദിവ്യസ്നേഹം എന്നോടു വർണ്ണിക്ക
അറിവിനെ കവിയും ആ സ്നേഹത്തിൽ നീളം
വീതി ഉയരം ആഴം-എന്തെന്നു ഗ്രഹിപ്പാൻ
നിത്യതയിങ്കലും ഞാൻ ശക്തനായി തീരുമോ?;-
4 യേശുവിൻ ദിവ്യസ്നേഹം എന്നോടു വർണ്ണിക്ക
നിർബന്ധിക്കുന്നതെന്നെ ശുദ്ധിയിൽ ജീവിപ്പാൻ
ഈ സ്നേഹം ദിനംതോറും എൻ സോദരരോടു
കാണിപ്പാൻ നിന്റെ കൃപ നൽകേണം ദൈവമേ;-
5 യേശുവിൻ ദിവ്യസ്നേഹം എന്നോടു വർണ്ണിക്ക
ഭൂവിൽ അതെന്താശ്വാസം ജീവിക്കും നാളെല്ലാം
ആകർഷിക്കുന്നതെന്നെ തങ്കലേക്കെപ്പോഴും
വേഗം ഞാൻ ചേരും തന്റെ ഭാഗ്യ സന്നിധിയിൽ;-
