Malayalam Hymn
Aayiram sthuthikalekkaal
Aayiram sthuthikalekkaal lyrics · Malayalam Christian Song · Video
The Hymnal0 plays
Lyrics
ആയിരം സ്തുതികളേക്കാൾ
അനുസരണം വലിയതല്ലോ
പതിനായിരം വരങ്ങളേക്കാൾ
സ്നേഹം ശ്രേഷ്ഠമല്ലോ
ജീവിതം സൗഭ്യമാക്കിടാം
ഭൂമിയിൽ സ്വർഗ്ഗരാജ്യം തീർത്തിടാം
ഭവനമോ സന്തുഷ്ടമക്കിടാം
ദൈവവചനം അനുസരിക്കുകിൽ
1 കർത്തവേ കർത്തവേ എന്നുരചെയ്യും
മർത്ത്യരാകും നാം ഏതുമില്ല
ഉർവിയിൽ ദൈവേഷ്ടം ചെയ്തിടുന്നവർ
സ്വർഗ്ഗരാജ്യത്തിൽ എന്നും അവകാശികൾ;- ആയിരം...
2 പ്രാർത്ഥനയും യാചനയും ഉയരും ഭവനം
കീർത്തനങ്ങളാൽ ആരാധനയും
സ്വാർത്ഥത വെടിഞ്ഞിടുന്ന ജീവിതവും
പാർത്തലത്തെ സ്വർഗ്ഗരാജ്യ തുല്യമാക്കിടും;- ആയിരം...
3 സ്നേഹത്തിന്റെ നൗകയിൽ യാത്ര ചെയ്യുകിൽ
ത്യാഗത്തിന്റെ മേടുകൾ സഞ്ചരിക്കുകിൽ
സത്യത്തിന്റെ പാതയിൽ നീതി നിറവിൽ
സൗഭാഗ്യമാക്കിടാം ഈ ജീവിതം;- ആയിരം...
