Malayalam Hymn
Enthu santhoshame kaalvari sneham
Enthu santhoshame kaalvari sneham lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 എന്തു സന്തോഷമേ കാൽവറി സ്നേഹം
വർണ്ണിപ്പാൻ സാദ്ധ്യമല്ല-അതിൻ
നീളവും വീതിയും ആഴം ഉയരവും
അത്ര അവർണ്ണനിയം
2 പാപിയാം എന്നെയും സ്നേഹിച്ച ദൈവത്തിൻ
മാഹാത്മ്യം കാൽവറിയിൽ- അതു
കൺകൾക്കു ദർശനം പ്രാപിപ്പാൻ പ്രാർത്ഥിക്ക
തൻ പ്രിയ മക്കളെല്ലാം;-
3 ആപത്തനർഥങ്ങൾ രോഗങ്ങൾ ദുഃഖങ്ങൾ
എന്തെല്ലാം ഏറി വന്നാൽ- അതിൽ
ചാരെ അണഞ്ഞെന്നെ മാർവ്വോടണയ്ക്കുന്ന
ആശ്വാസദായകനേ;-
4 ദൃഷ്ടിയെൻമേൽ വെച്ചിട്ടാലോചന തന്ന്
ദുഷ്ടനെ ജയിച്ചീടുവാൻ- ഓരോ
നാളിലും തൻകരം പാലിപ്പതോർത്തെന്റെ
കർത്തനെ വാഴ്ത്തിടുന്നേ;-
5 നിൻ ഉപദേശത്തിൻ കീഴിൽ ദിനം തോറും
ജീവിപ്പാൻ ശക്തി നൽകാ- എന്റെ
ജീവിതം തോല്ക്കാതെ കാലുകൾ ഇടറാതെ
നിൽക്കുവാൻ കൃപ തരണേ;-
6 കാഹള നാദത്തിൻ ഗംഭീര നാദത്തിൽ
ദുതന്റെ ശബ്ദത്തിങ്കിൽ-ഞാനും
നിന്നെ എതിരേൽപ്പാൻ വിശുദ്ധരോടൊന്നിച്ചു
ആകാശ മേഘേ കാണും;-
എന്തതിശയമേ ദൈവത്തിൻ സ്നേഹം : എന്ന രീതി
