Malayalam Hymn
Kanum njaaneshuvin ponmukham
Kanum njaaneshuvin ponmukham lyrics · Malayalam Christian Song · Video
The Hymnal0 plays
Lyrics
കാണും ഞാനേശുവിൻ പൊൻമുഖം ഒരുനാൾ
വിണ്ണിൽ മഹോന്നതനായി ജീവിക്കുംനാഥൻ
തേജസിന്മേൽതേജസ്സുള്ള എൻ മണവാളനാം
സുന്ദര രക്ഷകൻ യേശുവിനെ
യേശു വന്നിടും പൊന്നേശു വന്നിടും
യേശുരാജൻ വീണ്ടു ഭൂവിൽ വന്നിടും
1 തള്ളുന്നു എന്നെ ഈ ലോകം ദിനവും
മുൻവിധി നൽകുന്നു ഓരോ നിമിഷം
തള്ളുകില്ലെന്നുരച്ചവൻ തള്ളയെക്കാൾ
എന്നെ താങ്ങിടുന്നനുദിനം നടത്തിടുന്നു;- യേശു...
2 സഹതാപം കാണിപ്പാൻ ആരുമില്ലെങ്കിലും
സകലവും പ്രതികൂലമായി തീർന്നാലും
സകലരും കൈവെടിഞ്ഞ കാൽവറിനാഥൻ
സഹായകനവനെന്നെ കരുതിടുമെ;- യേശു...
3 വേദന നൽകുന്ന മരുഭൂമി യാത്ര
വേഗത്തിൽ തീർന്നിടും വിണ്ണിൽ ഞാൻഎത്തും
സ്നേഹിതരും സോദരരും ഇന്നെനിക്കു നൽകും
ഹൃദയത്തിൻ മുറിവുകൾ മറന്നിടും ഞാൻ;- യേശു...
4 കാണുന്നു ഞാൻ എന്നും കാൽവറി ക്രൂശിൽ
കഷ്ടത സഹിച്ചയെൻ കർത്തനെ മാത്രം
കാരിരുമ്പിൻ കഠിനമാം മർദ്ദനങ്ങളേറ്റ
കണ്ണുനീർ വാർത്ത എൻരക്ഷകനെ;- യേശു...
