Malayalam Hymn
Sthothrame sthothrame priya yeshu
Sthothrame sthothrame priya yeshu lyrics · Malayalam Christian Song · Video
The Hymnal0 plays
Lyrics
സ്തോത്രമേ സ്തോത്രമേ പ്രിയ യേശു
രാജനെന്നും സ്തോത്രം പ്രിയ
യേശുരാജനെന്നും – സ്തോത്രം
1 പാപവും അതിൻഫലമാം ശാപങ്ങളും എല്ലാം
ക്രൂശിലേറ്റ സ്നേഹത്തെ ഞാനോർത്തു
നന്ദിയോടെ നിന്നടി വണങ്ങി;- സ്തോത്ര...
2 ദൂതസഞ്ചയം എനിക്കു കാവലായി തന്നു
ദൂതരെക്കാൾ ശ്രേഷ്ഠമായ സ്ഥാനം
ദാനമായി തന്നതിനെ ഓർത്തു;- സ്തോത്ര...
3 ഞാനിനീ ഭയപ്പെടുവാൻ ദാസ്യാത്മാവേ അല്ല
പുത്രത്വത്തിൻ ആത്മാവിനാലെന്നെ
പുത്രനാക്കി തീർത്ത കൃപയോർത്തു;- സ്തോത്ര...
4 സ്വർഗ്ഗരാജ്യത്തിൻ വിശിഷ്ട വേല എനിക്കേകി
സ്വർഗ്ഗീയമാം ഭണ്ഡാരത്തിനെന്നെ
സ്വർഗ്ഗനാഥൻ കാവലാക്കി സ്തോത്രം;- സ്തോത്ര...
5 പാപത്തിനടിമയിൽ ഞാൻ വീണിടാതെ എന്നും
പാവനമാം പാതയിൽ നടത്തി
പാവനാത്മ കാത്തിടുന്നതോർത്തു;- സ്തോത്ര...
6 ഓരോനാളും ഞങ്ങൾക്കുള്ളതെല്ലാം തന്നു പോറ്റി
ഭാരമെല്ലാം തൻ ചുമലിലേറ്റി
ഭാരമെന്യേ കാത്തിടുന്നതോർത്തു;- സ്തോത്ര...
7 എണ്ണമില്ലാതുള്ള നിന്റെ വൻ കൃപകളോർത്തു
എണ്ണി എണ്ണി നന്ദിയാൽ നിറഞ്ഞു
എണ്ണമെന്യേ വന്ദനം തരുന്നേ;- സ്തോത്ര...
