Malayalam Hymn
Enikkay karutham ennurachavane
Enikkay karutham ennurachavane lyrics · Malayalam Christian Song · Video
The Hymnal0 plays
Lyrics
1 എനിക്കായ് കരുതാമെന്നുരച്ചവനെ
എനിക്കൊട്ടും ഭയമില്ല നിനച്ചിടുമ്പോൾ
എനിക്കായ് കരുതുവാൻ ഇഹത്തിലില്ലേയൊന്നും
ചുമത്തുന്നെൻഭാരം എല്ലാം നിന്റെ ചുമലിൽ
2 ഭക്ഷണമില്ലാതെ വാടി കുഴഞ്ഞിടുമ്പോൾ
ഭക്ഷണമായ് കാകൻ എന്റെ അരികിൽ വരും
അപ്പവും ഇറച്ചിയും ഇവ കരത്തിൽ തരും
ജീവ ഉറവയിൻ തോടെനിക്കു ദാഹം തീർത്തിടും;-
3 ക്ഷാമമേറ്റു സാരാഫാത്തിൽ സഹിച്ചിടാനായ്
മരിക്കുവാനൊരുക്കമായ് ഇരുന്നീടിലും
കലത്തിലെ മാവു ലേശം കുറയുന്നില്ലേ-എന്റെ
കലശത്തിൽ എണ്ണ കവിഞ്ഞൊഴുകിടുമെ;-
4 കാക്കകളെ നോക്കിടുവിൻ വിതയ്ക്കുന്നില്ല
കൊയ്തു കളപ്പുരയൊന്നും നിറയ്ക്കുന്നില്ല
വയലിലെ താമരകൾ വളരുന്നല്ലോ നന്നായ്
വാനിലെ പറവകൾ പുലരുന്നല്ലോ;-
5 ശത്രു ഭീതി കേട്ടു തെല്ലും നടുങ്ങീടിലും
ചൂരച്ചെടി തണലതിൽ ഉറങ്ങീടിലും
വന്നുണർത്തി തരും ദൂതർ കനലടകൾ
തിന്നു തൃപ്തനാക്കി നടത്തിടും ദിനം ദിനമായ്;-
6 നെഞ്ചമെ നിൻ ചഞ്ചലങ്ങൾ ഒന്നും വേണ്ട
പഞ്ചമുറിവേറ്റ നാഥൻ തഞ്ചമേകിടും
പിഞ്ചുപേകില്ലോരുനാളും തൻ കരുണകൾ ഓർത്തു
പുഞ്ചിരി തൂകിടുക നീ എന്നും മനമെ;-
