Malayalam Hymn
Papee unarnnu kolka nee nidrayil
Papee unarnnu kolka nee nidrayil lyrics · Malayalam Christian Song
The Hymnal0 plays
Lyrics onlyWhatsApp
Lyrics
പാപീ ഉണർന്നു കൊൾക നീ നിദ്രയിൽനിന്നു
പാപീ ഉണർന്നു കൊൾക നീ
1 വലിയനാശം വന്നിടും കളിപ്പാൻ സമയമില്ല
ചെലവു ചെയ്യരുതേ നീ വിലയില്ലത്തതിന്നായി;-
2 കടലിൻ ഇരച്ചൽപോലെ ഇടിമുഴക്കം പോലെയും
വിധിനാളിൻ ഭയങ്കരം അടുത്തടുത്തു വരുന്നു;-
3 നിന്റെ വഴികളെയും അന്തർഭാഗങ്ങളെയും
തന്റെ തുലാസിൽ ദൈവം സന്തതം തൂക്കിടുന്നു;-
4 സത്യമാർഗ്ഗത്തിലേക്കും നിത്യരക്ഷയിലേക്കും
മർത്യനാകുന്ന നിന്നെ കർത്തൻ വിളിച്ചിടുന്നു;-
5 നരകാഗ്നിയിൻ ജ്വാലയ്ക്കു ഇരയായ് പോകാതിരിപ്പാൻ
പരനോടു യോജിക്കുക കരുണ കണ്ടെത്തുവാനായ്;-
6 ഉറക്കം തൂങ്ങരുതിനി തുറക്ക വേഗം നിൻ കൺകൾ
വെറുതേ കളയരുതേ ചുരുക്കമാംരക്ഷാകാലം;-
