Malayalam Hymn
Theenalam padarum pole - Kadal
Theenalam padarum pole - Kadal lyrics · Malayalam Christian Song · Video
The Hymnal0 plays
Lyrics
തീനാളം പടരും പോലേ എരിയുന്നെൻ അകമാകേ
കനലാളി കത്തും പോലേ പിടയുന്നെൻ മനമാകേ
കടലതിലേ അലയതുപോൽ
എൻ മനമതിലേ നെടുവീർപ്പുകൾ
പുറമോടി അതു ശാന്തതയാം
അകമേ ഞാൻ അലറുകയാം
വേണം എനിക്കാ ദിവ്യമാം ശാന്തി
കാണുന്നതെല്ലാം അഭിനയമീ ഉലകിൽ
ആരാഞ്ഞു ഞാൻ കാരണം തേടി ഞാൻ
ഹൃദയശൂന്യത ഏതിനാൽ മാറ്റിടാം
ശാന്തിയതു നേടാൻ പാഞ്ഞു പല മാർഗ്ഗേ
കാറ്റതിനാൽ ഉലയും ഓടപോലെ ഞാനും
കാർമുകിലിനുള്ളിൽ കിരണമതു കാണാൻ
നിറമിഴികളോടേ നോക്കി ഞാൻ ദൂരേ
കണ്ടില്ല ഞാനെൻ ചാരത്തു നിൽക്കും
സ്നേഹാർദ്രനാമെൻ ശ്രീയേശു നാഥൻ
വാരി പുണർന്നെന്നേ സ്വന്തമെന്നോതി
മിഴിനീർ തുടച്ചെന്നേ മാറോടു ചേർത്തേ
ആരാഞ്ഞതാം നാഥനേ കണ്ടു ഞാൻ
ഹൃദയശൂന്യത എൻ യേശു മാറ്റിയേ
ഓടി ഞാൻ വാഞ്ചയാൽ നാടുകൾതോറുമേ
വേദികൾ പങ്കിടാൻ യേശുവിൻ സാക്ഷിയായ്
ശാന്തമീ സാഗരം ശോഭനം ഭാവിയും
ജീവിതം ക്രിസ്തുവിൽ സ്വസ്ഥമെന്നെണ്ണി ഞാൻ
വന്നലച്ചെൻ പടകിൽ ആശങ്കകാറ്റുകൾ
നോക്കി ഞാനെൻ നാഥനേ വിശ്വാസ നൗകയിൽ
കണ്ടു ഞാനമരത്തായ് ഉറങ്ങുന്നൊരേശുവേ
ആശയറ്റേകനായ് പകച്ചു ഞാൻ നിൽക്കവേ
ഭയമെന്തിനു ഞാനില്ലയോ എന്നുര ചെയ്തിടും നാഥനെൻ ചാരെ
കടലതിലേ അലകളിലും
എൻ മനമതിലേ നെടുവീർപ്പിലും
അറിയും ഞാൻ എൻ യേശുവിനെ
ജീവനിലെ ഓരോ അണുവിലും
ഉളളിൽ എൻ ഉള്ളിൽ നിറയും സമാധാനം
നിൽക്കുന്ന ഭൂമി മാറിപ്പോയാലും
എൻ ജീവിതം ക്രിസ്തുവിൽ ധന്യമേ
ഇനി മരണമോ അതു ലാഭം മാത്രമേ
