Malayalam Hymn
Manuvel manujasutha ninte manamerum
Manuvel manujasutha ninte manamerum lyrics · Malayalam Christian Song · Video
The Hymnal0 plays
Lyrics
മാനുവേൽ മനുജസുതാ-നിന്റെ
മാനമേറും തൃപ്പാദങ്ങൾ വണങ്ങി ഞങ്ങൾ
മംഗളമോതിടുന്നിതാ-നിത്യം
മഹിമയുണ്ടായിടട്ടെ നിനക്കു നാഥാ
1. ഏദനിലാദി മനുജർ-ചെയ്ത
പാതകം പരിഹരിപ്പാൻ ഭൂതലേ വന്നു
ക്രൂശതിൽ മരിച്ചുയിർത്ത-നിന്റെ
പേശലമാം ചരിതമെന്തതി വിപുലം-
2. വൻപരുമനുനിമിഷം-പാടി
കുമ്പിടുന്ന ഗുണമെഴുമധിപതിയെ
ചെമ്പകമലർ തൊഴുന്ന-പാദ-
മൻപിനോടെ നമിക്കുന്നു നമിക്കുന്നിതാ-
3. നീചരായ് ഗണിച്ചിരുന്ന പേത്ര-
നാദിയായ ധീവരരെ ദിവ്യകൃപയാൽ
ശേഷികൊണ്ടലങ്കരിച്ചു പരം
പ്രേഷണം ചെയ്തവനിയിൽ ഗുരുക്കളായ് നീ-
4. വന്ദനം പരമഗുരോ നിന്റെ
നന്ദനീയമാം ഗുണങ്ങളുരപ്പതാമോ
ചന്ദനം പുഴുകിവയേക്കാളും
തോന്നിടുന്നു നിൻ ചരിതം സുരഭിയായി-
5. അൽപ്പമാമുപകരണം കൊണ്ടു
നല്പെഴുന്ന മഹത്തായ വേലകൾ ചെയ്യും
ശില്പികൾക്കുടയവനേ നീയേ
ചിൽപുരുഷൻ ചിരന്തന നമസ്കാരം-...
6. കഷ്ടതയുടെ നടുവിൽ ഞങ്ങൾ
പെട്ടുഴന്നു വലയുന്നുണ്ടാകയാൽ ദേവ
തൊട്ടുനിന്നോമന കൈയ്യാൽ പാരം
ചുട്ടുനീറും മനസ്സിനെ തണുപ്പിക്കണേ-...
7. സ്ഫീതമാം കരിമുകിലേ സാധു
ചാതമങ്ങളാണു ഞങ്ങൾ നീ തരുന്നോരു
ശീകരമനുഭവിച്ചു സർവ്വ
ശോകവും ശമിപ്പിക്കുവാൻ കൃപ ചെയ്യണേ-
8. ആശയുമനുസൃതിയും സ്നേഹ
പാശബന്ധം വിനയവും വിമലതയും
ദാസരിൽ വളർത്തണമേ നിത്യം
യേശുനാഥാ നമസ്കാരം നമസ്കാരമേ-
