Malayalam Hymn
Yeshu mahonnathane ninakku
Yeshu mahonnathane ninakku lyrics · Malayalam Christian Song · Video
The Hymnal0 plays
Lyrics
യേശു മഹോന്നതനെ നിനക്കു
സ്തോത്രമുണ്ടാകയെന്നേക്കും-ആമേൻ
1 നീചരാം ഞങ്ങളെ വീണ്ടിടുവാൻ
വാനലോകം വെടിഞ്ഞോടിവന്നു
താണുനരാകൃതി പൂണ്ടതിനെ
പ്രാണനാഥാ നിനച്ചാദരവായ്;- യേശു...
2 വാനസേനാദികളിൻ സ്തുതിയും
ആനന്ദമാം സ്വർഗഭാഗ്യമതും
ഹീനരായിടുമീ ഞങ്ങളുടെ
ഊനമകറ്റുവാനായ് വെടിഞ്ഞോ;- യേശു...
3 ഭൂതലേ ദാസനായ് നീ ചരിച്ചു
പാപികളെ കനിവായ് വിളിച്ചു
നീതിയിൻ മാർഗമെല്ലാമുരച്ചു
വേദനയേറ്റവും നീ സഹിച്ചു;- യേശു...
4 പാപനിവാരകനായ നിന്മേൽ
പാപമശേഷവുമേറ്റുകൊണ്ട്
പാപത്തിൻ യാഗമായ് ചോര ചിന്തി
പാരിൻ മദ്ധ്യേ കുരിശിൽ മരിച്ചു;- യേശു...
5 ഈയുപകാരമെന്റെ മനസ്സിൽ
സന്തതമോർത്തു നിന്നോടണഞ്ഞു
ലോകയിമ്പങ്ങളെ തള്ളീടുവാൻ
നീ കൃപ ചെയ്ക ദിനംപ്രതി-മേ;- യേശു...
