Malayalam Hymn
Modam athimodam modam he
Modam athimodam modam he lyrics · Malayalam Christian Song · Video
The Hymnal0 plays
Lyrics
പല്ലവി
മോദം അതിമോദ മോദം ഹേ വാഗ്ദത്ത കാലം
സാദരമണഞ്ഞീടുന്നഹോ
അനുപല്ലവി
ജാതിഭേദ വാദം തീർന്നു ജാതികളൊന്നായിടുന്നു
യൂദജാതിയും മുതിർന്നു ജാതമോദം പാടിടുന്നു
മോദം...
അന്നു കാനനങ്ങൾ പൂക്കുമേ-സീയോന്റെ മക്കൾ
നന്ദിയോടു പാടിയാർക്കുമേ
അന്നു സുവിശേഷക്കൊടി-മന്നിടേ ജയം കൊണ്ടാടി
ഉന്നതമായ് മിന്നും ജനം-സന്നുതി പാടി വസിക്കും;- മോദം…
അന്നു സീയോനിൽ നിന്നുണ്ടാകും-ആജ്ഞാവിശേഷം
മന്നിടമെല്ലാമതു കേൾക്കും
മന്നവർ മന്ത്രി പ്രജകൾ-എന്നിവരെല്ലാവരിലും
ഒന്നുപോലാവസിച്ചീടും-വന്നു സത്യാനുഗ്രഹങ്ങൾ;- മോദം…
കാട്ടുപാമ്പോടൊത്തു മേളിക്കും-കുട്ടികളെന്നാൽ
വാട്ടമുണ്ടാകയില്ലേതുമേ
കാട്ടു പുലികളും ആട്ടിൻ-കൂട്ടവുമൊന്നിച്ചു മേയും
നാട്ടിലെല്ലാ നന്മകളും പുഷ്ടിയായി വർദ്ധിച്ചീടും;- മോദം…
വാളു കുന്തങ്ങൾക്കില്ലാവശ്യം-കൊഴുക്കളാക്കി
ചാലുപോക്കാനാക്കുമായവ
നാലുദിക്കും സമാധാനം-ചാലവേ പരന്നിരിക്കും
വാളെടുക്കയില്ലാരുമേ-ചേലുകേടില്ലെന്നിനുമേ;- മോദം…
ഹാലേലൂയ്യാ ഗീതം പാടുമേ-യരുശലേമും
ഹാലേലൂയ്യാ രാഗം പാടുമേ
ഹാലേലുയ്യാ വാനത്തിലും-ഹാലേലുയ്യാ ഭൂമിയിലും
ഹാലേലുയ്യാ മാലാഖമാർ ചൊല്ലുമേ മാനുഷരെല്ലാം;- മോദം…
