Malayalam Hymn
Ellaam ellaam danamalle
Ellaam ellaam danamalle lyrics · Malayalam Christian Song · Video
The Hymnal0 plays
Lyrics
എല്ലാം എല്ലാം ദാനമല്ലേ
ഇതൊന്നും എന്റേതല്ല
എല്ലാം എല്ലാം തന്നതല്ലേ
ഇതൊന്നും ഞാൻ നേടിയതല്ല
ജീവനും ജീവനിയോഗങ്ങളും
പ്രാണനും പ്രാണപ്രഭാവങ്ങളും
നാഥാ നിൻ ദിവ്യമാം ദാനങ്ങളല്ലേ
ഇതൊന്നും എന്റെതല്ല
1 നിമിഷങ്ങളിൽ ഓരോ നിമിഷങ്ങളിൽഎന്നെ
പൊതിയുന്ന നിൻ ജീവ കിരണങ്ങളും
ഒരു-മാത്ര പോലും പിരിയാതെ എന്നെ
കരുതുന്ന സ്നേഹവും ദാനമല്ലേ;- എല്ലാം...
2 നയനങ്ങളെ നിന്നിൽ ഉയരങ്ങളിൽ-ചേർത്തു
കരുണാർദ്ര സവിധത്തിൽ കരയുന്നേരം
കുരിശിൽ വിരിച്ചോരാ കനിവിൻ കരങ്ങളാൽ
അരുളും സഹായവും ദാനമല്ലേ;- എല്ലാം...
3 ബന്ധങ്ങളിൽ എന്റെ കർമ്മങ്ങളിൽ-എന്നെ
നിൻ ജീവസാക്ഷിയായ് നിർത്തിടുവാൻ
പരിപാവനാത്മാവിൻ വരദാനമെന്നിൽ
പകരുന്ന സ്നേഹവും ദാനമല്ലേ;- എല്ലാം...
