Malayalam Hymn
Enthathishayame daivathin sneham ethra
Enthathishayame daivathin sneham ethra lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 എന്തതിശയമേ ദൈവത്തിൻ സ്നേഹം
എത്ര മനോഹരമേ! അതു
ചിന്തയിലടങ്ങാ - സിന്ധുസമാനമായ്
സന്തതം കാണുന്നു ഞാൻ
2 ദൈവമേ നിൻ മഹാസ്നേഹമതിൻ വിധം
ആർക്കു ഗ്രഹിച്ചറിയാം എനി-
ക്കാവതില്ലേയതിൻ ആഴമളന്നിടാൻ
എത്ര ബഹുലമതു;-
3 ആയിരമായിരം നാവുകളാലതു
വർണ്ണിപ്പതിന്നെളുതോ
പതിനായിരത്തിങ്കലൊരംശം ചൊല്ലിടുവാൻ പാരിലസാദ്ധ്യമഹോ;-
4 മോദമെഴും തിരുമാർവ്വിലുല്ലാസമായ്
സന്തതം ചേർന്നിരുന്ന
ഏകജാതനാമേശുവെ പാതകർക്കായ്
തന്ന സ്നേഹമതിശയമേ;-
5 പാപത്താൽ നിന്നെ ഞാൻ കോപിപ്പിച്ചുള്ളൊരു
കാലത്തിലും ദയവായ് സ്നേഹ-
വാപിയേ നീയെന്നെ സ്നേഹിച്ചതോർത്തെന്നിൽ
ആശ്ചര്യമേറിടുന്നു;-
6 ജീവിതത്തിൽ പല വീഴ്ചകൾ വന്നിട്ടും
ഒട്ടും നിഷേധിക്കാതെ
എന്നെ കേവലം സ്നേഹിച്ചു പാലിച്ചിടും
തവ സ്നേഹമതുല്യമഹോ;-
