Malayalam Hymn
Paraloka bhagyam paapi ennullil
Paraloka bhagyam paapi ennullil lyrics · Malayalam Christian Song
The Hymnal0 plays
Lyrics onlyWhatsApp
Lyrics
പരലോക ഭാഗ്യം പാപിയെന്നുള്ളിൽ
പകരുന്നൊരു ദേവനേ നിൻ പുകഴ്പാടി വാഴ്ത്തിടും ഞാൻ
(സാത്താനിൻ ചതിയാലെ ഞാൻ പാപിയായാലും
കർത്താവു തള്ളാതെ ചേർത്തെന്നെ തിരുമാർവ്വിൽ)
1 ഒരു നാളുമെൻ നാവിൽ തിരുനാമം ചൊല്ലുവാൻ
അണുപോലുമർഹതയില്ലാത്ത പാപി ഞാൻ
തിരുനാമകീർത്തനം രക്ഷയിൻ പുതുഗാനം
ഉരുമോദം പാടുന്നു സന്തോഷ സ്തുതി ഗാനം;-
2 ആയുസ്സിന്നറുതിയിലക്കരെ നാട്ടിൽ ഞാ-
നാനന്ദക്കണ്ണുനീർ തൂകി നിൽക്കും നേരം
അരികിൽ വരും നാഥൻ കണ്ണീർ തുടയ്ക്കും തൻ
തിരുമെയ്യഴകിന്നൊളിയിൽ മുഴുകും ഞാൻ;-
3 കൃപയുടെ പരിപാടി തീരുമ്പോഴോമന
പ്പുലരി വിടരുമ്പോൾ നിത്യയുഗം തന്നിൽ
അഴിയാത്ത വാടാത്തോരവകാശം
കർത്താവുമൊരുമിച്ചു പങ്കിട്ടു വാഴും ഞാനെന്നാളും;-
