Malayalam Hymn
Sthuthichu padam mahipanavane
Sthuthichu padam mahipanavane lyrics · Malayalam Christian Song
The Hymnal0 plays
Lyrics onlyWhatsApp
Lyrics
സ്തുതിച്ചുപാടാം മഹിപനവനെ
മഹത്വപൂർണ്ണനാം ത്രിയേക നാഥനെ
1 രക്ഷയുടെ പ്രത്യാശയുമണിഞ്ഞ്
രക്ഷകനേശുവിൻ നാമവും ധരിച്ച്
ആത്മവരങ്ങളാൽ അലംകൃതരായി നാം
ആത്മനാഥനെ പാടി സ്തുതിക്കാം;-
2 നന്ദി നിറഞ്ഞവരായ് അവൻ ചെയ്തതാം
നന്മകളോരോന്നായോർത്തു നിരന്തരം
ആദിപിതാക്കന്മാർ ആരാധിച്ചതുപോൽ
മോദമോടാത്മവിൽ പാടി സ്തുതിക്കാം-...
3 രക്ഷകനായ് പരിപാലകനായാത്മ
ദായകനായ് സൗഖ്യമേകും യഹോവയായ്
നിത്യവും നമ്മെ വഴിനടത്തിടുന്ന
സ്തുത്യനാം യാഹിനെ പാടി സ്തുതിക്കാം-...
4 സ്വർഗ്ഗ സന്തോഷത്തിന്നുറവയിൽ നിന്നും
നിത്യവും പാനംചെയ്താനന്ദിപ്പതിനായ്
അവൻ നമ്മിലും നാമവനിലുമായതാം
നിസ്തുല ബന്ധത്തിനായി സ്തുതിക്കാം-...
5 ഇത്ര സൗഭാഗ്യം പകർന്ന പരാപരൻ
എത്രയും വേഗം വരുന്നു തൻ കാന്തയ്ക്കായ്
അവൻ വരുമ്പോൾ അവനോടു സദൃശരായ്
തീർന്നിടും നാം എന്ന ഭാവിപ്രത്യാശയ്ക്കായ്;-
