Malayalam Hymn
Parama guruvaranaam yeshuve nee
Parama guruvaranaam yeshuve nee lyrics · Malayalam Christian Song · Video
The Hymnal0 plays
Lyrics
പരമഗുരുവരനാം യേശുവേ നീ
വരം താ പ്രാർത്ഥന ചെയ്തിടാൻ
ഇരുവരോ മൂവരോ-തിരുനാമത്തിൽ
വരികിൽ വരുമെന്നരുളിയോനെ
തിരു സാന്നിദ്ധ്യം സദാ നൽകണം
ശരണം നീ മാത്രമെൻ നാഥനെ
1 തിരുമുമ്പിൽ കഴിക്കുന്ന പ്രാർത്ഥനയ്ക്കുത്തരം
അരുളണമേ പ്രിയ നാഥനേ
മനംനൊന്തു യാചന ചെയ്യുമ്പോഴെല്ലാം
കനിവിന്റെ ഉറവുകൾ തുറന്നവനെ(2);- പരമ...
2 ജനം നിന്നിലാനന്ദിച്ചീടുവാനവരിൽ
വീണ്ടും നിൻ ജീവനെ നൽകണേ
മാളികയിൽ തവ ദാസരിൽ നൽകിയ
വര മെങ്ങൾക്കരുളുക ഈ തരുണം(2);- പരമ...
3 അനവധിയാവശ്യങ്ങൾ തിരു സവിധേ
ഉയർത്തുന്നു വിശ്വാസകൈകളാൽ
അശരണരാകുലർ രോഗികളായോർ
കരുണയിൻ കരതലം കണ്ടീടട്ടെ(2);- പരമ...
