Malayalam Hymn
Bharangal theerthenne cherthiduvan
Bharangal theerthenne cherthiduvan lyrics · Malayalam Christian Song · Video
The Hymnal0 plays
Lyrics
1 ഭാരങ്ങൾ തീർത്തെന്നെ ചേർത്തീടുവാൻ
കർത്താവേ വേഗം വന്നീടെണേ
ഭാരങ്ങളകന്നു ഞാൻ വിശ്രമിപ്പാൻ
പിൻ മഴയെ വേഗം അയയ്ക്കണമേ
എന്നു നിൻമുഖം കാണും ഞാൻ
എത്രനാളിഹത്തിൽ ഞാൻ പാർത്തിടും
സ്വർഗ്ഗത്തിലെന്റെ പാർപ്പിടം
സ്വർഗ്ഗത്തിലെന്നും പാടിടാം
2 കഷ്ടങ്ങളകറ്റിടാൻ വന്നിടണേ ഭൂവിൽ
കഷ്ടങ്ങൾ ദിനം വർദ്ധിക്കുന്നേ
കർത്താവെ കാരുണ്യ സ്രഷ്ടാവേ
കാത്തിടണേ എന്നും കാത്തിടണേ;- എന്നു...
3 പരിശുദ്ധ വരമെന്നിൽ പുതുക്കണമേ
പിരിയാതെ നിന്നിൽ വസിച്ചിടുവാൻ
പരിശുദ്ധമെന്നിൽ നീ വളർത്തണമേ
പരിശുദ്ധനാക്കുകെന്നെ നീ;- എന്നു...
4 അലയുന്നീലോകമാം സമുദ്രത്തിൽ
നിലയില്ലാതലയുന്നീ സാധുക്കൾക്ക്
തലയാകും നീയെന്യേ ആരുള്ളു
പാലകാ ലോകം പകയ്ക്കുന്നെന്നെ;- എന്നു...
5 യുദ്ധങ്ങൾ ക്ഷാമങ്ങൾ ഭൂകമ്പം
ഈ ഭൂവിലേറ്റം വർദ്ധിക്കുന്നേ
ഭക്തന്മാരെ ദേവാ കൈവിടല്ലേ
മരുഭൂവിൽക്കൂടെ നടത്തീടക;- എന്നു...
6 കരച്ചിലിൻ കണ്ണുനീർ തുടച്ചീടുവാൻ
ആരുമില്ലേ ഞങ്ങൾക്കീ മരുവിൽ
അരികിൽ വാ തിരുക്കരം വിരിച്ചീടുക
അനുഗ്രഹം തന്നു നടത്തീടുക;- എന്നു...
7 ത്യാഗവും വളർച്ചയും ജയജീവിതം
സമ്പൂർണ്ണതയും പരിശുദ്ധിയും
തമ്പുരാനേ ഞങ്ങൾക്കേകിടേണേ
സമ്പൂർണ്ണനേ നീ വരുവോളം;- എന്നു...
8 എനിക്കായി കരുതാമെന്നുരച്ചതിനാൽ
എനിക്കായി ഞാനൊന്നും കരുതീട്ടില്ല
വിശ്വസിച്ചേനതു മതിയെനിക്ക്
കരുണേശാ അങ്ങേ മതി എനിക്ക്;- എന്നു...
