Malayalam Hymn
Sangkethame ninte adima njaane
Sangkethame ninte adima njaane lyrics · Malayalam Christian Song · Video
The Hymnal0 plays
Lyrics
സങ്കേതമേ നിന്റെ അടിമ ഞാനേ
ഘോഷിക്കുമേ മനം സന്തോഷത്താൽ
കർത്താവേ നീ ചെയ്ത നന്മകളെ
നിത്യം നിത്യം ഞാൻ ധ്യാനിക്കുമേ
1 അളവില്ലാ സ്നേഹത്താൽ ചേർപ്പവനെ
എണ്ണമില്ലാ നന്മകൾ നല്കുന്നവനെ
ശോഭിതമണാളാ മഹിമപ്രതാപാ
സ്നേഹത്താൽ നിൻ പാദം ചേർന്നിടുമേ;-
2 കർത്താവേ നിൻ ക്രിയകൾ വലിയവയെ
ശുദ്ധനേ നിൻ പ്രവൃത്തികൾ മഹത്വമുള്ളത്
നിത്യനേ നിൻ പ്രമാണങ്ങൾ എന്നുമുള്ളത്
ഭക്തരുടെ സന്തോഷ ഭാഗ്യമിതു;-
3 എന്നെ എന്നും ഉപദേശിച്ചു നടത്തുന്നോനേ
ദൃഷ്ടിവച്ചു ആലോചന നല്കുന്നവനേ
പോകേണ്ട വഴി എന്നെ കാണിക്കുന്നവനേ
ആശ്രയിക്കുന്നോനെ കൃപ ചുറ്റിക്കൊള്ളുമേ;-
4 കരം പിടിച്ചു നടത്തും കർത്തൻ നീയല്ലൊ
യാചിച്ച എന്നെ സൗഖ്യമാക്കിയല്ലൊ
കുഴിയിൽ വീഴാതെന്നെ സൂക്ഷിച്ചവനേ
കണ്ണുനീരെ സന്തോഷമായ് മാറ്റിയല്ലൊ;-
5 പാപങ്ങളെ ഓർക്കാതെ ചേർത്തുവല്ലൊ
ശാപങ്ങളെ നീക്കി ശുദ്ധമാക്കിയല്ലൊ
രക്ഷയുടെ സന്തോഷം തിരികെ തന്നല്ലോ
ഉണർവിനാവിയാലെന്നെ താങ്ങിയല്ലോ;-
