Malayalam Hymn
Vannaavasikka devaathmave nee
Vannaavasikka devaathmave nee lyrics · Malayalam Christian Song
The Hymnal0 plays
Lyrics onlyWhatsApp
Lyrics
പല്ലവി
വന്നാവസിക്ക ദേവാത്മാവേ നീ
വന്നാവസിക്ക!
അനുപല്ലവി
വന്നാവസിക്ക വേഗം - നിന്നുടെ മാ കൃപയാൽ
ഇന്നീയടിയാരിന്മേ-ലുന്നതത്തിങ്കൽ നിന്നു - വന്നാ..
ചരണങ്ങൾ
1 കർത്താവിൻ ഭൃത്യർ പെന്തി-ക്കോസ്തപ്പെരുനാളിങ്കൽ
ഒത്തങ്ങൊരുമയോടെ - പ്രാർത്ഥിച്ചിരിക്കുന്നേരം
ഏറ്റവും ശക്തിയുള്ള കാറ്റോട്ടം പോലവർ മേൽ
എത്തി ആവസിച്ചപോ-ലീദ്ദാസരിലുമിന്നു;- വന്നാ...
2 കർത്താവരുളി ചെയ്ത - വാർത്തകളെല്ലാമവർ-
ക്കുൾക്കാമ്പിങ്കലോർമ്മ വരുത്തിക്കൊടുത്തു നല്ല
ശക്തിയോടേശുവെ പ്രസിദ്ധപ്പെടുത്തുവാനായ്‌
അഗ്നിനാവാലവർ മേ-ലന്നു വന്ന പോലിന്നു;- വന്നാ...
3 അന്നാളിൽ മൂവായിര - മാത്മാക്കളിന്മേൽ ശക്തി
ഒന്നായ്‌ ജ്വലിപ്പിച്ചേശു - തൻ നാമത്തിങ്കൽ ചേർത്തു
പിന്നെയങ്ങയ്യായിര - ത്തിന്മേലുമൊരു നാളിൽ
ഒന്നായ്‌ പ്രകാശിച്ച പോ-ലിന്നീയടിയാർ മേലും;- വന്നാ...
4 അക്കാലം തൊട്ടു ദിവ്യ - ശക്തിയാൽ തിരുസഭ
ഉൾക്കാമ്പിൽ ഭക്തിയായ്‌ പാ-ലിക്കപ്പെടുന്നതുപോ-
ലിക്കാലത്തിലും നിന്റെ - പ്രത്യേക ദീപ്തിമൂലം
ഇക്കൂട്ടത്തെയും പാലി - ച്ചീടുവാനായ്ക്കൊണ്ടിപ്പോൾ;- വന്നാ...
