Malayalam Hymn
Mulkkiredam chudiya shirassil
Mulkkiredam chudiya shirassil lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 മുൾക്കിരീടംചൂടിയ ശിരസ്സിൽ രാജമുടിചൂടി
രാജാധി രാജൻ വരുന്നു പ്രീയരെ തന്റെ ഭക്തരെ ചേർത്തീടുവാൻ(2)
നിന്റെ ദൈവത്തെ എതിരേൽപ്പാൻ ഒരുങ്ങിക്കൊൾക
കാലങ്ങൾ കാത്തു നിൽക്കില്ലാ കാന്തൻ വന്നിടാറായ്(2)
2 ഭൂമി ഇളകും ഭൂതലം വിറക്കും നാഥന്റെ വരവിങ്കൽ
കല്ലറ തുറക്കും വിശുദ്ധർ ഉയർക്കും കാഹളശബ്ദമതിൽ(2)
പ്രാക്കൾപോലെ നാം പറന്നുയർന്നീടും കാന്തൻ വരവിങ്കൽ
നിന്റെ ദൈവത്തെ എതിരേൽപ്പാൻ ഒരുങ്ങിക്കൊൾക(2)
കാലങ്ങൾ കാത്തുനിൽക്കില്ലാ കാന്തൻ വന്നിടാറായ്
3 കതിരും പതിരും വേർപിരിഞ്ഞീടും കാഹള ശബ്ദമതിൽ
കഷ്ടത മാറും ക്ലേശങ്ങൾ തീരും പ്രാണപ്രീയൻ വരവിൽ(2)
കണ്ണുനീരെല്ലാം തുടച്ചീടുമേ കാന്തൻ മാർവ്വോടണച്ചീടുമേ
നിന്റെ ദൈവത്തെ എതിരേൽപ്പാൻ ഒരുങ്ങിക്കൊൾക(2)
കാലങ്ങൾ കാത്തുനിൽക്കില്ല കാന്തൻ വന്നീടാറായ്
4 നിന്ദകൾമാറും നിരാശകൾ തീരും നീതി സൂര്യൻ വരവിങ്കൽ
നിത്യയുഗം നാം പരനോടുവാഴും സ്വർഗ്ഗാധിസ്വർഗ്ഗമതിൽ(2)
ഹല്ലേലൂയ്യാ പാടി നാം ആനന്ദിച്ചാർക്കും വിശുദ്ധ ഗണങ്ങൾ ഒത്ത്
നിന്റെ ദൈവത്തെ എതിരേൽക്കാൻ ഒരുങ്ങിക്കൊൾക(2)
കാലങ്ങൾ കാത്തുനിൽക്കില്ലാ കാന്തൻ വന്നിടാറായ്
