Malayalam Hymn
Mayalokam vitte maruvasiyam paradeshikke
Mayalokam vitte maruvasiyam paradeshikke lyrics · Malayalam Christian Song
The Hymnal0 plays
Lyrics onlyWhatsApp
Lyrics
മായാലോകം വിട്ട് മരുവാസിയാം പരദേശിക്ക്
സീയോൻ പുരിയെന്നൊരു നാടുണ്ട്
സ്വർഗ്ഗ സീയോൻ പുരിയെന്നൊരു നാടുണ്ട്
1 പാലും തേനുമൊഴുകും വാഗ്ദത്ത കനാൻ നാടേ
മാലിന്യമില്ലാ നല്ല ഭാഗ്യനാടേ
മാലിന്യമില്ലാ-തവ പാപശാപങ്ങളില്ലാ
ചേലെഴും ഭക്തരിൻ വിശുദ്ധ നാടേ;- മായാ...
2 ജീവജലനദിയിൻ തീരത്ത് ജീവതരു
ജീവഫലങ്ങളുമായ് നിന്നിടുന്നു
രാവില്ല വിളക്കിനീം ആദിത്യശോഭ വേണ്ട
മേവും വിശുദ്ധ നിത്യരാജാക്കളായ്;- മായാ...
3 കണ്ണുനീർ തുടച്ചിടും ദൈവം തൻ കണ്ണിൽ നിന്ന്
മന്നിലെ ഖിന്നതകളില്ല വിണ്ണിൽ
ദാഹവിശപ്പുമില്ല രോഗമരണമില്ല
ആഹാ! എന്തൊരാനന്ദം പുണ്യനാടേ;- മായാ...
4 യാത്രയും തീരാറായ് ക്ഷീണവും മാറിടാറായ്
മാത്രനേരമേയുള്ളു നാട്ടിൽ ചേരാൻ
അല്ലൽ വെടിഞ്ഞു തവ വല്ലഭൻ കാന്തയായ്
ഹല്ലേലൂയ്യാ ഗാനങ്ങൾ പാടിവാഴാം;- മായാ...
