Malayalam Hymn
Enneshuve neeyashrayam ennalum
Enneshuve neeyashrayam ennalum lyrics · Malayalam Christian Song · Video
The Hymnal0 plays
Lyrics
എന്നേശുവേ നീയാശ്രയം
എന്നാളും മന്നിലീ സാധുവിന്നു
എല്ലാരും പാരിൽ കൈവിട്ടാലും
എന്നെ കരുതുന്ന കർത്താവു നീ
1 ആകുലനേരത്തെൻ ചാരത്തണഞ്ഞു
ഏകുന്നു സാന്ത്വനം നീയെനിക്കു
ആകയാലില്ല തെല്ലും ഭയം
പകലും രാവും നീയഭയം;-
2 ചിന്തി നീ ചെന്നിണം ക്രൂശിലതാലെൻ
ബന്ധനം നീക്കി നിൻ സ്വന്തമാക്കി
എന്തൊരു ഭാഗ്യനിത്യബന്ധം
സന്തതം പാടും സന്തോഷമായ്;-
3 തുമ്പങ്ങളേറുമെൻ മാനസം തന്നിൽ
ഇമ്പം പകരുന്നു നിൻമൊഴികൾ
എൻ മനം നിന്നിലാനന്ദിക്കും
നിൻ മാർവ്വിൽ ചാരിയാശ്വസിക്കും;-
4 എന്നു നീ വന്നിടുമെന്നാത്മനാഥാ
വന്നതല്ലാതെന്നാധി തീരുകില്ല
ഒന്നേയെന്നാശ നിന്നെ കാണ്മാൻ
ആമേൻ കർത്താവേ വന്നിടണേ;-
