Malayalam Hymn
Daivathin paithal njan yeshuvin kude
Daivathin paithal njan yeshuvin kude lyrics · Malayalam Christian Song · Video
The Hymnal0 plays
Lyrics
1 ദൈവത്തിൻ പൈതൽ ഞാൻ
യേശുവിൻ കൂടെ ഞാൻ
മേവുന്നു മന്നിതിൽ മോദമായ്
ജീവിതം ധന്യമായ് സങ്കടം തീർന്നുപോയ്
ഈ വിധം എന്നും ഞാൻ ഭാഗ്യവാൻ
2 ആകുലവേളയിലെപ്പോഴും താങ്ങിടും
ആകയാൽ വ്യാകുലമില്ലിനീം
ആശ്രയം നൽകിടുമൻപെഴും നെഞ്ചതിൽ
ആശ്വസിപ്പിക്കും തൻകൈകളാൽ;-
3 ജീവിതപാതയിലേറിടും ഭാരത്തിൽ
ഭീതനാകില്ല ഞാൻ ധൈര്യമായ്
നാഥാനാമേശുവെ നോക്കി ഞാൻ പോയിടും
ആനന്ദഗാനങ്ങൾ പാടി ഞാൻ;-
4 ഉറ്റവർ കൈവിടും നേരത്തും മാറാതെ
മുറ്റും താൻ സ്നേഹിക്കും നിശ്ചയം
ഇത്ര നൽനാഥനെ സ്നേഹിച്ചും സേവിച്ചും
മാത്രമെൻ നാളുകൾ തീരണം;-
5 മേഘത്തിൽ വന്നിടും പ്രിയനാമേശുവെ
വേഗത്തിൽ കാണും ഞാൻ തേജസ്സിൽ
മൃത്യുവും ദുഃഖവും നിന്ദയും തീർന്നു ഹാ!
നിത്യമായ് വാഴും തൻകൂടെ ഞാൻ;-
