Malayalam Hymn
Padum njan yeshuvin athulya snehathe
Padum njan yeshuvin athulya snehathe lyrics · Malayalam Christian Song · Video
The Hymnal0 plays
Lyrics
1 പാടും ഞാനേശുവിൻ അതുല്യ സ്നേഹത്തെ
പാരിൽ പരദേശിയായ് പാർക്കുന്ന വീട്ടിൽ
പാവനമാം ചട്ടമെന്റെ കീർത്തനങ്ങളത്രെ
നാൾതോറും അവകളെ ധ്യാനിക്കുന്നു
യേശു എൻ പ്രിയൻ ക്രിസ്തേശു എൻ പ്രിയൻ
യേശുവേപ്പോൽ വേറെ പ്രിയനില്ലയേ
2 പർവ്വതമാം സമം പ്രശ്നങ്ങളാലെ
നിർവ്വാഹമില്ലാതെ ഞാനലയുമ്പോൾ
നിർമ്മാണപദ്ധതി തന്നിലവനെന്നെ നടത്തി
കർമ്മയോഗി ആക്കുന്നെന്നെ അനുദിനവും;-
3 കണ്ണുനീർ വഴിത്താര ഞാൻ നടന്നാലും
എണ്ണപ്പെട്ടോരാരും കൂട്ടില്ലെന്നാലും
എന്തിനു എൻ ഉള്ളം വൃഥാ കലങ്ങുന്നു അണുവും
എന്നെ സ്നേഹിക്കുന്ന യേശു ബലഹീനനോ;-
4കഷ്ടതയാകുന്ന കഠിന ശോധനയിൽ
നഷ്ടപ്പെടാതെന്റെ വിശ്വാസം കാപ്പാൻ
വിശ്വാസത്തിൻ നായകനും പൂർത്തിമാനുമായ
യേശുവെ മാത്രം ഞാൻ നോക്കിടുമേ;-
5 എന്നുള്ളം നന്ദിയാൽ തുളുമ്പുന്നു മോദാൽ
മന്നിലെൻ വേലയും തികച്ചിടുവാനായ്
നിന്ദ അപമാനം പഴി ദുഷികളിന്നേവം
ഉന്നതാവകാശത്തിനു മുതൽ കൂട്ടല്ലോ
6 മണ്ണാമെൻ കൂടാരം അഴിഞ്ഞിടുമെന്നോ
എൻ പ്രിയൻ വരവും സമീപമായെന്നോ
ഏതിനും ഞാനൊരുങ്ങുന്നു കൃപയാൽ നാൾതോറും
എനിക്കെന്റെ ഇൻപ വീട്ടിൽ പോയാൽ മതി;-
