Malayalam Hymn
Unnathan yeshu kristhuvin
Unnathan yeshu kristhuvin lyrics · Malayalam Christian Song · Video
The Hymnal0 plays
Lyrics
1 ഉന്നതൻ യേശുക്രിസ്തുവിൻ നാമം
ഉർവ്വിയിലെങ്ങും ഉയർത്തീടാം
ഉണർന്നിടാം ബലം ധരിച്ചീടാം
ഉയർപ്പിൻ രാജൻ എഴുന്നെള്ളാറായി
ദൈവകൃപകൾ പെരുകിടട്ടെ
ദൈവ മഹിമയ്ക്കായി
ജീവൻ ത്യജിച്ചീടുക
വേലതികച്ചീടുവാൻ
2 നീതിമാന്റെ നിലവിളികേട്ടു
വിടുവിച്ചീടും തൻ കരത്താൽ
അവങ്കലേക്കു നോക്കിടും മുഖങ്ങൾ
അവനിലെന്നും മോദിച്ചിടും;- ദൈവ...
3 ആശ്രയമാരും ഇല്ലെന്നുചൊല്ലി
ആധിയിൽ ആണ്ടു വലയേണ്ട
ആശ്രിതർക്കാലംബം യേശു താനല്ലോ
ആകുലമെല്ലാം നീക്കിടുക;- ദൈവ...
4 പാതയ്ക്കു ദീപം യേശുതാനല്ലോ
പാതവിട്ടോടി പോയിടല്ലേ
പതറിടാതെ പാദങ്ങൾ വെയ്ക്കാം
പതിക്കയില്ല നിലം പരിചായ്;- ദൈവ...
5 മുട്ടോളമല്ല അരയോളമല്ല
പത്ഥ്യമാം വെള്ളം ഒഴുകിടുന്നു
നീന്തിട്ടല്ലാതെ കടപ്പാൻ വയ്യാത്ത
ആത്മനദിയിൽ ആനന്ദിക്കാം;- ദൈവ...
6 പരാപരൻ താൻ വന്നിടും വേഗം
പറന്നുവേഗം നാം പോയിടുമേ
പരമനോടു നിത്യമായ് വാഴും
പരമഭാഗ്യം പ്രാപിച്ചിടും;- ദൈവ...
