Malayalam Hymn
Athi mangala kaaranane
Athi mangala kaaranane lyrics · Malayalam Christian Song · Video
The Hymnal0 plays
Lyrics
അതിമംഗല കാരണനേ
സ്തുതി തിങ്ങിയ പൂരണനേ-നരർ-
വാഴുവാന്‍ വിൺ തുറന്നൂഴിയിൽ പിറന്ന
വല്ലഭ താരകമേ
മതി മങ്ങിയ ഞങ്ങളെയും
വിധി തിങ്ങിയോർ തങ്ങളെയും-നിന്‍റെ
മാമഹത്വം ദിവ്യ ശ്രീത്വവും കാട്ടുവാന്‍
വന്നുവോ പുംഗവനേ
അതിമംഗല കാരണനേ
മുടി മന്നവർ മേടയേയും
മഹാ ഉന്നത വീടിനേയും-വിട്ടു
മാട്ടിടയിൽ പിറന്നാട്ടിടയർ തൊഴാൻ
വന്നുവോ ഈ ധരയിൽ
അതിമംഗല കാരണനേ
തങ്കക്കട്ടിലുകൾ വെടിഞ്ഞു
പശുത്തൊട്ടിയതിൽ കിടന്നു ബഹു-
കാറ്റുമഞ്ഞിന്‍ കഠിനത്തിലുള്‍പ്പെട്ടു മാ-
കഷ്ടം സഹിച്ചുവോ നീ
അതിമംഗല കാരണനേ
ദുഷ്ട പേയ്ഗണം ഓടുവാനും
ശിഷ്ടർ വായ്‌ഗണം പാടുവാനും-നിന്നെ
പിന്തുടരുന്നവർ തുമ്പമെന്യേ വാഴാൻ
ഏറ്റ നിന്‍ കോലമിതോ
അതിമംഗല കാരണനേ
എല്ലാ പാപങ്ങളുമകലാന്‍
ജീവ ദേവവരം ലഭിപ്പാന്‍-ഈ നിന്‍
പാങ്ങെന്യേ വേറൊന്നും പുംഗവാ നിന്‍ തിരു-
മേനിക്കു കണ്ടീലയോ
അതിമംഗല കാരണനേ
