Malayalam Hymn
Vazhthidum sathatham priya
Vazhthidum sathatham priya lyrics · Malayalam Christian Song · Video
The Hymnal0 plays
Lyrics
1 വാഴ്ത്തിടും സതതം പ്രീയാ തവ
നിത്യം പാടും കീർത്തനം ഞാൻ
ചേർത്തതിനാൽ എന്നെ തിരുമാർവ്വിൽ
കാത്തതിനാൽ എന്നെ വഴുതാതെ
എടുത്തോ നീ എന്നെ നിനക്കായി
കൊടുത്തോ നീ നിന്നെ എനിക്കായി...
2 വല്ലഭാ കൃപാസാഗരാ തവ
നിത്യം പാടും കീർത്തനം ഞാൻ
എല്ലാക്കുറവും തീർത്തല്ലോ-
തൊല്ലയൊഴിച്ചെന്നെ ചേർത്തല്ലോ
അല്ലലഖിലവും അകറ്റിയല്ലോ-
അലയും എന്നെ വീണ്ടെടുത്തല്ലോ;- വാഴ്..
3 ആശ്രിതർക്കഭയം വിഭോ- തവ
നിത്യം പാടും കീർത്തനം ഞാൻ
മന്നവാ തിരുവായ് മൊഴിപോൽ-
അടിയാരിൽ കൃപ ചെയ്തല്ലോ
മന്നാ നീ തുണ ഈ എനിക്ക്-
ഇന്നും എന്നും അവസാനം വരെ;- വാഴ്..
4 ചെയ്തു നീ പരിപാലനം തവ-
നിത്യം പാടും കീർത്തനം ഞാൻ
വൈരിയിൻ ശരഗണമതിൽ നിന്നും-
തിരുചിറകുകൾ നിഴൽ അതിൻ കീഴിൽ
അനുദിനവും മമ ഭയമെന്യേ
മനുവേലാ- സ്തുതി ഇന്നുമെന്നും;- വാഴ്..
5 ഹല്ലേലുയ്യ സ്തോത്രമേ-തവ
നിത്യം പാടും കീർത്തനം ഞാൻ
അഖില സൃഷ്ടികളും പാടീടവേ-
ഈ അൽപൻ സ്തുതി നിനക്കേകുന്നേൻ
അല്ലും പകലും ഭേദമെന്യേ
ഹല്ലേലുയ്യ സ്തുതി പാടിടും ഞാൻ;- വാഴ്..
