Malayalam Hymn
Thiruchevi chaayikkename
Thiruchevi chaayikkename lyrics · Malayalam Christian Song · Video
The Hymnal0 plays
Lyrics
പല്ലവി
തിരുച്ചെവി ചായിക്കേണമേ ദരിദ്രനാമെൻ
കരച്ചിലും നീ കേട്ടിടേണമേ
അനുപല്ലവി
പരത്തിൻ ദൂതരിൻ പാട്ടുകൾ
പെരുത്ത മോദമായ് കേട്ടിടും
പെരുത്തുയർന്ന കിതേശുവേ
നിറഞ്ഞ സങ്കടമാകയാൽ-തിരു
ചരണങ്ങൾ
1 ശരണമെന്നു നിൻ മുൻ വീഴുന്നേൻ-പരനേ എന്നെ
ഒരിക്കലും നീ കൈവെടിയല്ലേ-ഓരോ ദിനവും
ഇരുന്നു ഞാൻ കരഞ്ഞീടുന്നിതാ
തുറന്നു ഞാൻ പറഞ്ഞീടുന്നിതാ
ഉരുക്കമുള്ള എൻ നായകാ പൊറുക്കുകെൻ പിഴയാകവേ;- തിരു…
2 നിലവിളിക്കുന്നേൻ അടിയൻ-നീ കേൾക്കണമേ!
വലിയവനാമെൻ തമ്പുരാനേ!-നിലയില്ലയ്യോ!
അലയുവാൻ നിൻ അടിയനെ
അകലെ ഓടിച്ചീടരുതേ
സ്ഥലത്തിൽ വന്നെൻ ജപത്തിനു
ഫലം നീ കല്പിച്ചിടണമേ;- തിരു
3 നിനക്കു തുല്യം ദൈവങ്ങളില്ലേ-നിൻ ക്രിയയെല്ലാം
നിനച്ചറിവാൻ ബുദ്ധിമാനില്ലേ-മന്നവനീശോ
മനസ്സലിഞ്ഞീടേണം പരാ!
അനുഗ്രഹിച്ചീടേണം പരാ!
അനർത്ഥ നാളായിതേ പരാ!
നിനക്ക് ഭയം വീഴുന്നിതാ;- തിരു…
4 പെരുത്തു പാപവ്യാധിയെന്നുള്ളിൽ-നിൻ നന്മകൾക്കു
ഒരിക്കലും ഞാൻ യോഗ്യനല്ലയോ-എൻ രക്ഷിതാവേ
പെരുത്ത തിന്മയാലിതാ
വരുത്തമുള്ളാരടിയനെ
നിറുത്തി നിൻ മുൻവരും വരെ
കരത്തിനാൽ താങ്ങീടണമേ;-
