Malayalam Hymn
Idharayilenne ithramel snehippan
Idharayilenne ithramel snehippan lyrics · Malayalam Christian Song · Video
The Hymnal0 plays
Lyrics
ഇദ്ധരയിലെന്നെ ഇത്രമേൽ സ്നേഹിപ്പാൻ
എന്തുള്ളു ഞാനപ്പനേ! - നിന്റെ
ഉദ്ധാരണത്തെ ഞാൻ ഓർത്തു ദിനം പ്രതി സന്തോഷിക്കുന്നത്യന്തം
1 പുത്രന്റെ സ്നേഹത്തെ ക്രൂശിൻമേൽ കാണുമ്പോൾ
ശത്രുഭയം തീരുന്നു - എന്നെ
മിത്രമാക്കിടുവാൻ കാണിച്ച നിൻ കൃപ എത്ര മനോഹരമേ!;-
2 ശത്രുവാമെന്നെ നിൻ പുത്രനാക്കിടുവാൻ
പുത്രനെ തന്നല്ലോ നീ - ദേവാ
ഇത്ര മഹാസ്നേഹം ഇദ്ധരയിലൊരു മർത്യനുമില്ല ദൃഢം;-
3 നീചനരനാമീയേഴയെ സ്നേഹിച്ചീ
നീചലോകത്തിൽ വന്നു - യേശു
നീച മരണം മരിപ്പതിന്നായ് തന്നെ നീചന്മാർക്കേൽപ്പിച്ചല്ലോ;-
4 കൂട്ടം വെറുത്തു കുലവും വെറുത്തെന്നെ
കൂട്ടുകാരും വെറുത്തു - എന്നാൽ
കൂട്ടായിത്തീർന്നെന്റെ സ്വർഗ്ഗീയ സ്നേഹിതൻ കഷ്ടകാലത്തും വിടാ;-
5 മാതാപിതാക്കന്മാരെന്നെ വെടിഞ്ഞാലും
സന്താപമില്ലെനിക്കു - എന്റെ
മാതാപിതാവെക്കാൾ അൻപു തിങ്ങിടുന്നോരേശുവുണ്ട് എനിക്കു;-
6 മുൻപിലും പിൻപിലും കാവലായ് നിന്നു നീ
മുൻപിൽ നടക്കേണമേ - നിന്റെ
ഇമ്പമുള്ള രാജ്യേ വന്നു ചേരും വരെ അൻപൊടു കാക്കേണമേ;-
എന്തതിശയമേ ദൈവത്തിൻ : എന്ന രീതി
