Malayalam Hymn
Yeshuvodu chernirippathethra modame
Yeshuvodu chernirippathethra modame lyrics · Malayalam Christian Song · Video
The Hymnal0 plays
Lyrics
1 യേശുവോടു ചേർന്നിരിപ്പതെത്ര മോദമേ!
യേശുവിന്നായ് ജീവിക്കുന്നതെത്ര ഭാഗ്യമേ!
ആശ തന്നോടെന്നുമെന്നിൽ വർദ്ധിച്ചിടുന്നേ
ആശു തന്റെ കൂടെ വാഴാൻ കാംക്ഷിച്ചിടുന്നേ
2 പോക്കിയെന്റെ പാപമെല്ലാം തന്റെ യാഗത്താൽ
നീക്കിയെന്റെ ശാപമെല്ലാം താൻ വഹിച്ചതാൽ
ഓർക്കുന്തോറും സ്നേഹമെന്നിൽ വർദ്ധിച്ചിടുന്നേ
പാർക്കുന്നേ തൻ കൂടെ വാഴാൻ എന്നു സാദ്ധ്യമോ!
3 ശ്രേഷ്ഠമേറും നാട്ടിലെന്റെ വാസമാക്കുവാൻ
ശോഭയേറും വീടെനിക്കൊരുക്കിടുന്നവൻ
കൈകളാൽ തീർക്കാത്ത നിത്യപാർപ്പിടം തന്നിൽ
വാണിടുന്ന നാളിനായ് ഞാൻ നോക്കിപ്പാർക്കുന്നേ
4 അന്നു തീരുമെന്റെ കഷ്ടം ഇന്നീ മന്നിലെ
അന്നു മാറുമെന്റെ ദുഃഖം നിശ്ചയം തന്നെ
അന്നു തന്റെ ശുദ്ധരൊത്തു പാടി ആർക്കുമേ
എന്നെനിക്കു സാദ്ധ്യമോ മഹൽ സമ്മേളനം!
5 നല്ലവനേ വല്ലഭനേ പൊന്നു കാന്തനേ!
അല്ലൽ തീർക്കാനെന്നു വന്നു ചേർത്തിടുമെന്നെ?
തുല്യമില്ലാ മോദത്തോടെ വീണകളേന്തി
ഹല്ലേലുയ്യാ ഗാനം പാടി വാണിടുവാനായ്
