Malayalam Hymn
Seeyone nee unarnezhunelkuka shalem
Seeyone nee unarnezhunelkuka shalem lyrics · Malayalam Christian Song · Video
The Hymnal0 plays
Lyrics
1 സീയോനെ നീ ഉണർന്നെഴുന്നേൽക്കുക
ശാലേം രാജനിതാ വരുവാറായ്
ശീലഗുണമുള്ള സ്നേഹസ്വരൂപൻ
ആകാശമേഘത്തിലെഴുന്നെള്ളിവരുമേ;-
2 പകലുള്ള കാലങ്ങളണഞ്ഞണഞ്ഞുപോയ്
കൂരിരുൾ നാളുകളടുത്തടുത്തേ
ഝടുതിയായ് ജീവിതം പുതുക്കി നിന്നീടുകിൽ
ഉടലോടെ പ്രിയനെ എതിരേൽപ്പാൻ പോകാം;-
3 കഷ്ടതയില്ലാത്ത നാളുവന്നടുത്തേ
തുഷ്ടിയായ് ജീവിതം ചെയ്തിടാമേ
ദുഷ്ടലോകത്തെ വെറുത്തു വിട്ടീടുകിൽ
ഇഷ്ടമോടേശുവിൻ കൂടെ വസിക്കാം;-
4 അന്ധത ഇല്ലാത്ത നാളു വന്നടുത്തേ
സാന്ത്വന ജീവിതം ചെയ്തിടാമേ
അന്ധകാരപ്രഭു വെളിപ്പെടും മുമ്പേ
സന്തോഷമാർഗ്ഗത്തിൽ ഗമിച്ചിടുമേ നാം;-
5 തിരുസഭയെ നിൻ ദീപങ്ങളെന്നുമേ
സൂര്യപ്രഭപോൽ വിളങ്ങിടട്ടെ
മഹിമയിൻ തേജസ്സിൽ എഴുന്നള്ളിവരുമ്പോൾ
മണവാളനോടു നാം മറുരൂപമാകാൻ;-
6 സൈന്യബലത്താൽ രാജ്യങ്ങളാകവേ
തകർന്നുടഞ്ഞീടുന്നു ദിനംദിനമായ്
സൈന്യത്തിൻ ശക്തിയാൽ ഒന്നിനാലുമല്ല
ആത്മബലത്താൽ ജയമെടുക്കേണം;-
