Malayalam Hymn
Kristhuvin sathya sakshikal nam
Kristhuvin sathya sakshikal nam lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 ക്രിസ്തുവിൻ സത്യസാക്ഷികൾ നാം
ക്രൂശിന്റെ ധീരസേനകൾ നാം
പാരിടത്തിൽ പരദേശികളാം നാം
പരലോക പൗരാവകാശികൾ നാം
കൂടുക നാം ഉത്സുകരായ്
പാടുക ജയ ജയ സ്തുതിഗീതങ്ങൾ
ക്രൂശിൻ വചനം സുവിശേഷം
ദേശമശേഷമുയർത്തുക നാം
2 അലസത വിട്ടെഴുന്നേൽക്കുക നാം
അവിശ്രമം പോർപൊരുതിടുക നാം
അവിശ്വാസത്തിൻ തലമുറ തന്നിൽ
വിശ്വാസവീരരായ് പുലരുക നാം
3 അന്ധതയിൽ ജനസഞ്ചയങ്ങൾ
ഹന്ത! വലഞ്ഞു നശിച്ചിടുന്നു
രക്ഷകനേശുവിൻ സാക്ഷികളാം
നാം രക്ഷണ്യമാർഗ്ഗമുരച്ചിടുക
4 എതിരുകളെത്രയുയർന്നാലും
വൈരികളെത്രയെതിർത്താലും
അടിപതറാതെ വഴി പിശകാതെ
കൂശെടുത്തേശുവെയനുഗമിക്കാം
5 ഇന്നു നാം നിന്ദയും ചുമന്നുലകിൽ
ഉന്നതൻ നാമമുയർത്തിടുകിൽ
തന്നരികിൽ നാം ചേർന്നിടുമ്പോൾ
തന്നിടും തങ്കം കിരീടമവൻ
യേശുവിൻ നാമം വിജയി : എന്ന രീതി
