Malayalam Hymn
Nisthulanaam nirmalanaam
Nisthulanaam nirmalanaam lyrics · Malayalam Christian Song · Video
The Hymnal0 plays
Lyrics
നിസ്തുലനാം നിർമ്മലനാം
ക്രിസ്തുവിനെ സ്തുതിച്ചിടുവിൻ
1 അദൃശ്യനാം ദൈവത്തിൻ പ്രതിമയവൻ
ദൈവിക തേജസ്സിൻ മഹിമയവൻ
ആദിയവൻ അന്തമവൻ
അഖിലജഗത്തിനും ഹേതുവവൻ;-
2 വാർത്തയായിരുന്നവൻ ജഡമെടുത്തീ
പാർത്തലത്തിൽ വന്നു പാർത്തതിനാൽ
നമുക്കു തന്റെ നിറവിൽ നിന്നും
കൃപമേൽ കൃപ ലഭിപ്പാനിടയായ്;-
3 ദൈവവിരോധികളായതിനാൽ
ന്യായവിധിക്കു വിധേയർ നമ്മെ
ദൈവമക്കൾ ആക്കിയല്ലോ
ജീവനും തന്നവൻ സ്നേഹിച്ചതാൽ;-
4 തൻകൃപയിൻ മഹിമാധനത്തെ
നിത്യയുഗങ്ങളിൽ കാട്ടിടുവാൻ
മർത്യർ നമ്മെ അവനുയർത്തി
സ്വർഗ്ഗസ്ഥലങ്ങളിലങ്ങിരുത്തി;-
5 വിണ്ണിലും മണ്ണിലും ഉള്ളതെല്ലാം
പിന്നെയും ക്രിസ്തുവിലൊന്നാകും
പൂർണ്ണതയിൽ ദൈവികമാം
നിർണ്ണയങ്ങൾ നിറവേറിടുമേ;-
