Malayalam Hymn
Svanthamaayoru deshamunde
Svanthamaayoru deshamunde lyrics · Malayalam Christian Song · Video
The Hymnal0 plays
Lyrics
1 സ്വന്തമായൊരു ദേശമുണ്ട്
സ്വന്തമായൊരു ഗേഹമുണ്ട്
കൈപ്പണിയല്ലാത്ത ഭവനം
നിത്യമായൊരു വാസസ്ഥലം
ചേരും നാം വേഗത്തിൽ
കർത്തൻ സവിധേ
പാർക്കും നാം എന്നാളും
തന്നോടു കൂടെന്നും
2 എനിക്കായിട്ടൊരു ഭവനം
സ്വർഗ്ഗത്തിൽ കർത്താവൊരുക്കുണ്ട്
നവ യെരുശലേം പട്ടണം
രമ്യ ഹർമ്മ്യങ്ങളാൽ ശോഭനം;-
3 മർത്യമായതെല്ലാം മാറിപ്പോം
അമർത്യമായതു ധരിക്കും
മരണം നീങ്ങി ജയാളിയായ്
കർത്തനോടൊത്തു വിശ്രമിക്കും;-
4 കർത്താവ് വാനിൽ വന്നിടുമ്പോൾ
ഞാനും ആ കൂട്ടത്തിൽ കാണുമേ
എത്രയോ സന്തോഷം മേഘത്തിൽ
ശുദ്ധന്മാരൊന്നിക്കും അന്നാളിൽ;-
