Malayalam Hymn
Aathmanadi ennilekk ozhukkuvanayi
Aathmanadi ennilekk ozhukkuvanayi lyrics · Malayalam Christian Song · Video
The Hymnal0 plays
Lyrics
1 ആത്മനദി എന്നിലേക്കൊഴുക്കുവാനായി
ആവലോടെ ഞാനും കാത്തിരുന്നപ്പോൾ (2)
ആത്മനാഥനെന്നോടു തൻകരുണകാട്ടി
ആത്മനദി എന്നിലേക്കുമവനൊഴുക്കി (2)
2 ആത്മനദി എന്റെ പാദങ്ങൾ നനച്ചപ്പോൾ
ആനന്ദത്താലെന്റെയുള്ളം തുളുമ്പിപ്പോയി (2)
പുതിയൊരു ശക്തി എന്നിലേക്കെൻ നാഥൻ
അനുനിമിഷം പകർന്നു തുടങ്ങി (2)
3 ആത്മനദി എന്റെ മുട്ടോളമെത്തിയപ്പോൾ
ആകുലം മറന്നു ഞാൻ ആരാധിച്ചുപോയ് (2)
അത്യന്തശക്തിയാലെൻ മൺകൂടാരമങ്ങ്
പന്തുപോലെ പൊങ്ങി പൊങ്ങി തുടങ്ങി (2)
4 ആത്മനദി എന്റെ അരയോളം എത്തി
ആരുമറിയാത്തൊരു ഭാഷ ഞാൻ ചൊല്ലി (2)
മനുഷ്യരോടല്ല എൻ ദൈവത്തോടുതന്നെ
അന്യഭാഷയിൽ സംസാരിച്ചു തുടങ്ങി (2)
5 ആത്മനദി എന്റെ ശിരസ്സോളം എത്തി
എൻ പാദങ്ങൾ തറയിൽ ഉറയ്ക്കാതെയായി (2)
എൻ ദേഹത്തിനു തെല്ലും ഭാരമില്ലാതായ്
ആത്മനദിയിൽ അങ്ങ് നീന്തി തുടങ്ങി (2)
