Malayalam Hymn
En priya rakshakane ninne kanman
En priya rakshakane ninne kanman lyrics · Malayalam Christian Song · Video
The Hymnal0 plays
Lyrics
എൻപ്രിയരക്ഷകനേ! നിന്നെ കാണ്മാൻ
വാഞ്ഛയാൽ കാത്തിടുന്നു
ഹാ! എന്റെ പ്രിയന്റെ പ്രേമത്തെ ഓർക്കുമ്പോൾ
ഹാ! എനിക്കാനന്ദം തിങ്ങുന്നു മാനസേ
1 താതൻ വലഭാഗത്തിലെനിക്കായി രാജ്യമൊരുക്കിടുവാൻ
നീ പോയിട്ടെത്ര നാളായ് ആശയോടു കാത്തു ഞാൻ പാർത്തിടുന്നു
എന്നെ നിന്നിമ്പമാം രാജ്യത്തിൽ ചേർക്കുവാൻ
എന്നു നീ വന്നിടും എന്നാശ തീർത്തിടും;-
2 വാട്ടം മാലിന്യമില്ലാത്തവകാശം പ്രാപിപ്പാൻ തൻ സഭയെ
വാനിലെടുത്തിടുവാൻ തന്നോടു കൂടൊന്നിച്ചിരുത്തിടുവാൻ
വേഗം നീ വന്നിടാമെന്നുര ചെയ്തിട്ടു
താമസമെന്തഹോ ആനന്ദവല്ലഭാ;-
3 ഞാൻ നിന്നെ ധ്യാനിക്കുമ്പോൾ മനോഹരം എങ്ങനെ വർണ്ണിച്ചിടാം
വെണ്മയോടു ചുവപ്പും കലർന്നുള്ളോൻ ലക്ഷങ്ങളിലുത്തമൻ
നീ മഹാ സുന്ദരൻ ആഗ്രഹിക്കത്തക്കോൻ
നീ മതിയേ എനിക്കെന്നേക്കും നിശ്ചയം;-
4 പ്രേമം നിന്നോടധികം തോന്നുമാറെൻ നാവു രുചിച്ചിടുന്നു
നാമമതി മധുരം തേൻകട്ടയെക്കാളുമതി മധുരം
നീ എന്റെ രക്ഷകൻ വീണ്ടെടുത്തോനെന്നെ
നീ എനിക്കുള്ളവൻ ഞാൻ നിനക്കുള്ളവൻ;-
5 നിന്നെ വർണ്ണിച്ചീടുവാൻ എനിക്കെന്റെ നാവാൽ കഴിവില്ലല്ലോ
നിൻ ശിരസ്സോ തങ്കംപോൽ മനോഹരഗാത്രമതും ശോഭനം
നിൻ മഹാസൗന്ദര്യം എന്നുടെ ഹൃദയേ
മേന്മയ്ക്കായ് കാണുവാനാശയെനിക്കേറെ;-
