Malayalam Hymn
Vagdatha nattilen vishramamam
Vagdatha nattilen vishramamam lyrics · Malayalam Christian Song
The Hymnal0 plays
Lyrics onlyWhatsApp
Lyrics
വാഗ്ദത്ത നാട്ടിലെൻ വിശ്രമമാം
വാഗ്ദത്തം ചെയ്തവൻ വിശ്വസ്തനാം
1 എങ്ങു ഞാൻ പോകുന്നെന്നറിയാതെ
തൻവിളി കേട്ടു പോകുന്നു ഞാൻ
ഇങ്ങിനിയേതു ഖേദം വന്നാലും
പിന്തിരികില്ല പോകുന്നു ഞാൻ;-
2 വിട്ടു ഞാൻ പോന്ന-തൊന്നുമേയോർത്തി-
ന്നൊട്ടും മടങ്ങിപ്പോകയില്ല
ഉത്തമമായ നിത്യനിക്ഷേപ-
മുന്നത നാട്ടിലുണ്ടെനിക്കായ്;-
3 പാപത്തിന്നിമ്പഭോഗം വേണ്ടാഞാൻ
പാടുപെടാമെന്നേശുവിന്നായ്
മിസ്രയിം സമ്പത്തേതിലുമെന്റെ
ക്രിസ്തുവിൻ നിന്ദയെത്ര നന്നാം;-
4 ഒന്നിലുമേ മനം തളരാതീ-
മന്നിൽ ഞാൻ യാത്ര ചെയ്തിടുന്നു
അന്നന്നു വേണ്ടും മന്നയുണ്ടെന്നും
അന്തികത്തിൽ എൻനാഥനുണ്ട്;-
5 ചെങ്കടൽ യോർദ്ദാൻ വറ്റിപ്പോമെല്ലാം
വൻയെരിഹോ മതിൽ തകരും
വിശ്വാസയാത്രയെ വിലക്കാൻ
ഈ വിശ്വത്തിലൊന്നും ശക്തമല്ല;-
6 കണ്ണുനീർ തോരും നിന്ദകൾ തീരും
വിണ്ണിലെൻ വീട്ടിൽ ചെന്നുചേരും
എണ്ണിക്കൂടാത്ത ശുദ്ധരൊത്തേശു
സന്നിധിയിൽ ഞാൻ വാഴമെന്നും;-
