Malayalam Hymn
Manamuruki paadidunnu
Manamuruki paadidunnu lyrics · Malayalam Christian Song · Video
The Hymnal0 plays
Lyrics
മനമുരുകി പാടിടുന്നു
മധുര സങ്കീർത്തനം
മനം ഇടറും നേരമെന്റെ
മനസ്സിനാനന്ദമായ്
മാറാത്തവൻ യേശു
മറക്കാത്തവൻ എന്ന് യേശു
1 മന്നിതിലെന്നെ മാറോടു ചേർത്തു
മർത്ത്യർ ഉപേക്ഷിച്ചു പോയ നേരം
മധുര സ്വപ്നങ്ങൾ മനസ്സിൽ പകർന്നു
മഹിതലേ മാനിച്ചു എന്നെ
2 മരുവിൽ എനിക്കായ് മന്ന ഒരുക്കി
മറച്ചു എന്നെ തൻ ചിറകടിയിൽ
മന്നവൻ തൻ കരം മാർഗ്ഗം ഒരുക്കി
മാന്യനായി നടത്തി ശത്രു മുന്നിൽ
3 മുഴങ്കാൽ മടക്കും നേരത്തായെന്റെ
മനസ്സിൽ മന്ത്രിച്ച മൃദുസ്വരം
മാറാത്തവനായ് ഞാൻ കൂടെയുണ്ടെന്നും
മകനേ നീ ഒട്ടും ഭയപ്പെടേണ്ട
4 മണ്ണോടു മണ്ണായി ഞാൻ ചേർന്നു പോകിലും
മേഘത്തിൽ വന്നിടും എന്റെ കാന്തൻ
മൃത്യുവെ ജയിച്ചവൻ മർത്യ ശരീരത്തെ
മാറ്റിടും വിൺ മയ രൂപമായി
