Malayalam Hymn
Vishvasathaal ellaam ellaam saaddhyam
Vishvasathaal ellaam ellaam saaddhyam lyrics · Malayalam Christian Song · Video
The Hymnal0 plays
Lyrics
വിശ്വാസത്താൽ എല്ലാം എല്ലാം സാദ്ധ്യം
വിശ്വസിച്ചാൽ ദൈവമഹത്വം കാണും (2)
വിശ്വാസമോ ആശയിൻ ഉറപ്പും
കാണാകാര്യത്തിൽ നിശ്ചയവുമേ (2)
1 അബ്രഹാം യഹോവയിൽ വിശ്വസിച്ചു
ദൈവം അത് നീതിയായ് കണക്കിട്ടല്ലോ (2)
ആശയ്ക്ക് വിരോധമായ് ആശയോടെ
വിശ്വസിച്ചു അനുഗ്രഹം പ്രാപിച്ചു (2);- വിശ്വാസ...
2 ആരേ ഞാൻ വിശ്വസിപ്പതെന്നറിയുന്നു
അവൻ എൻ ഉപനിധി സർവ്വ ശക്തനേ (2)
ഒരുനാളും കൈവിടാതെ ഉപേക്ഷിക്കാതെ
അന്ത്യത്തോളം എന്നെ വഴി നടത്തും (2);- വിശ്വാസ...
3 ദൈവം തന്ന വാഗ്ദത്തങ്ങൾ എല്ലാം എല്ലാം
നിശ്ചയമായ് നിറവേറിടും അതിവേഗത്തിൽ (2)
വിശ്വസിക്ക നീ ധൈര്യം പ്രാപിക്ക
സമയം ആസന്നമായി നിറവേറുവാൻ (2);- വിശ്വാസ...
4 നിനക്കെതിരായ് നിൽക്കും പ്രതികൂലങ്ങൾ
അനുകൂലമായി മാറും അത് നിശ്ചയമായ് (2)
ചെങ്കടൽ പിളരും യോർദ്ദാൻ പിൻവാങ്ങും
ജയവീരൻ ദൈവം നിന്റെ മുമ്പിലുണ്ടല്ലോ (2);- വിശ്വാസ...
