Malayalam Hymn
Ithra maathram enne snehippaan
Ithra maathram enne snehippaan lyrics · Malayalam Christian Song · Video
The Hymnal0 plays
Lyrics
1 ഇത്ര മാത്രം എന്നെ സ്നേഹിപ്പാൻ
ഞാൻ എന്തുമാത്രം എന്നേശുവേ
ഇത്ര നൽ കൃപയ്ക്കു പാത്രനാക്കി തീർത്തു
പുത്രത്വം നൽകി നീ ചേർത്തുവല്ലോ
2 വഴി തെറ്റി അലഞ്ഞ അജമായിരുന്നെന്നെ
തേടി വന്നണച്ച സ്നേഹമാശ്ചര്യം
തോളിലേറ്റിച്ചുമന്നു വിടുവിച്ചതോർക്കുമ്പോൾ
നന്ദിയാൽ എൻ കൺകൾ നിറഞ്ഞിടുന്നേ
3 എൻ സ്വന്തകാതുകളിൽ കേട്ടതൊക്കെ ഓർത്താൽ
നീയല്ലാതില്ലല്ലോ വേറൊരു ദൈവം
നിൻ നാമം എന്നിലും വിളിക്കപ്പെട്ടുവല്ലോ
മഹത്വത്തിൽ നിന്നോടൊത്തു ഞാനുമിരിപ്പാൻ
4 വ്യാജത്തെ നോക്കാതെ കൺകളെ തിരിച്ച്
സത്യത്തിൻ പാതയിൽ ജീവിപ്പിക്കണേ
വിശുദ്ധി എൻ അലങ്കാരം നിന്നിഷ്ടമാകയാൽ
ആനന്ദമാക്കണേ നിൻ കൺകൾക്കെന്നെയും
5 മനം നൊന്തു കേണിടും നേരം നീ എന്നെയും
മാതൃതുല്യം മാർവ്വതിൽ അണയ്ക്കുന്നോനേ
ഇടങ്കയ്യിൽ എനിക്കു നീ വിശ്രാമം നൽകിടും
വലങ്കൈയ്യാൽ എന്നെ നീ ആശ്ളേഷിച്ചിടും
6 താതൻ തൻ പുത്രനെ ആദരിക്കുന്നതുപോൽ
നിൻ സേവകരെ നീ ആദരിക്കുമ്പോൾ
ആ ദിനം വിശ്വസ്തനായ് തിരുമുമ്പിൽ നിൽക്കുവാൻ
നിൻ ദിവ്യ കൃപയിൽ കാക്കണേ നാഥാ
