Malayalam Hymn
Prabhaakaran udichu than
Prabhaakaran udichu than lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 പ്രഭാകരനുദിച്ചുതൻ പ്രഭ തിങ്ങി വിളങ്ങുമീ
പ്രഭാതത്തിൽ ദേവേശനെ സഭയായ് സ്തുതിക്ക നാം
2 ഇരുൾ മാറി വെളിവിതാ ധരണിമേൽ തിളങ്ങുന്നു
മറവിനുള്ളടങ്ങിന പൊരുളുകൾ തെളിയുന്നു
3 അതിതരാം ശ്രമം മൂലം മതി തളർന്നുറങ്ങിന
ക്ഷിതിതല നിവാസികൾ അതിസുഖമുണരുന്നു
4 മരണതുല്യമാം നിദ്രാഭാരമതിന്നധീനമാ
യിരുന്നൊരു ജഗദാകെ പുതുജീവൻ ധരിക്കുന്നു
5 വരിക നാമൊരുമിച്ചു പരന്നടിപണിഞ്ഞിടാം
തിരുഹിതമല്ലോ ഭൂവിൽ പരിവർത്തിച്ചിടുന്നതു
6 തിരുപ്പദമകാലത്തിൽ തിരക്കുകിലലഭ്യമാം
മരിക്കിലുമിരിക്കിലും നമുക്കതു ശരണ്യമേ
7 തിരുസ്വരമെഴുതിന കുറിപ്പുകൾ പഠിക്ക നാം
തിരുവചസ്സറിവില്ലാത്തരങ്ങളെ തുരത്തുന്നു
8 ദുരിതത്തിൻ ഫലമായ മരണത്തെ തുലയ്ക്കുന്നു
കരയുന്ന ജനങ്ങൾക്കു പുരുമോദമരുളുന്നു
