Malayalam Hymn
Nalukalereyilla ente yeshumanalan varuvan
Nalukalereyilla ente yeshumanalan varuvan lyrics · Malayalam Christian Song · Video
The Hymnal0 plays
Lyrics
നാളുകളേറെയില്ല എന്റെ യേശുമണാളൻ വരുവാൻ
1 മുൾക്കിരീടം ചൂടി മുറിവേറ്റു മുഖം താഴ്ത്തി
മരക്കുരിശിൽ പ്രാണൻ വെടിഞ്ഞതാമെൻ പ്രിയൻ
പൊൻ കിരീടം അണിഞ്ഞതിസുന്ദരനായ്
മേഘത്തേരിൽ വരുവാൻ
2 ഉറ്റവരെല്ലാം ഉപേക്ഷിച്ചീടിലും
സ്നേഹിതരെല്ലാം കൈവെടിഞ്ഞീടിലും
കരുണാമയനായ് കരുതും എൻ കാന്തനെ
മദ്ധ്യവാനിൽ കാണുവാൻ
3 ഉള്ളം ഉരുകി നീറി ഞാൻ നീറി
നിറകണ്ണുകളോടെ കേണിടുന്നേരം
എൻ കണ്ണീർ കാണുമ്പോൾ കണ്ണുനീർ തുളുമ്പുന്ന
ആ പൊൻ കൺകൾ കാണുവാൻ
4 വൈഷമ്യമേടിൽ ദുഃഖത്താഴ്വരയിൽ
തീച്ചൂളകളിൽ സിംഹക്കുഴികളിൽ
വാടാതെ വഴുതാതെ വീഴാതെ കാത്തിടും
ആ പൊൻ കൈകൾ കാണുവാൻ
5 മണ്ണായ് മറഞ്ഞതാം പ്രിയരാം വിശുദ്ധരെ
വിൺ ശരീരത്തോടെ മമ മണളാൻ മുൻപിൽ
കണ്ടു മുഖാമുഖമായ് അവരോടൊത്തു
ഹല്ലേലുയ്യാ പാടുവാൻ
6 കാരിരുമ്പാണിയാൽ എൻ പേർക്കായ് ക്രൂശിൽ
തറയ്ക്കപ്പെട്ടതാം ആ തൃപ്പാദദങ്ങളിൽ
കുമ്പിട്ടെൻ കാന്തന്റെ മുറിവേറ്റ മാർവ്വതിൽ
അണഞ്ഞ ആശ്ളേഷിക്കുവാൻ
